ఇచ్చిన మాట నిలబెట్టుకున్న కేటీఆర్.. ఏం చేశారంటే?
దిశ, డైనమిక్ బ్యూరో : టీఆర్ఎస్ వర్కింగ్ ప్రెసిడెంట్, మంత్రి కేటీఆర్ ఎప్పుడూ ఏదో ఓ చోట అభివృద్ధి పనుల్లో, సభల్లో పాల్గొంటుంటారు. ఈ క్రమంలోనే చాలా చోట్ల హామీలుస్తుంటారు. అయితే, ఆయా హామీల అమలు కొంత ఆలస్యమైనప్పటికీ.. వాటిపై ఎప్పటికప్పుడు సమీక్షలు జరుపుతూ బిజీ బిజీగా ఉంటారు. అయితే, తాజాగా ఇచ్చిన హామీని తీర్చడంతో సంతోషకరమైన వార్త అంటూ ట్వీట్ చేశారు. మంత్రి కేటీఆర్ గతంలో నిజాం కాలేజీని సందర్శించినప్పుడు.. విద్యార్థినులకు హాస్టల్ వసతి కల్పిస్తానని ఆయన హామీ ఇచ్చారు. ఈ సందర్భంగా ఇచ్చిన హామీని నెరవేర్చేందుకు నిధుల సమీకరణ, టెండర్లు, బిల్డింగ్ ప్లానింగ్ ఇలా అన్ని ఏర్పాటు చేసి.. భవనం నిర్మాణం పూర్తి చేశారు. ఈ క్రమంలో బుధవారం మంత్రి సబితా ఇంద్రా రెడ్డితో కలిసి హాస్టల్ బిల్డింగ్ ను ఓపెన్ చేయనున్నారు. ఈ విషయాన్ని ట్విట్టర్ వేదికగా పంచుకుంటూ సంతోషం వ్యక్తం చేశారు. ఇచ్చిన మాట నిలబెట్టుకున్నారు అంటూ నెటిజన్లు ట్వీట్లు చేస్తున్నారు.
