రోడ్డు ప్రమాదంలో వ్యక్తి స్పాట్ డెడ్..

దిశ,ఖమ్మం రూరల్ : మండల పరిధిలోని గుర్రాల పాడులో టిప్పర్ ఢీకొట్టడంతో ద్విచక్ర వాహనదారుడు అక్కడిక్కడే మృతి చెందిన సంఘటన బుధవారం చోటు చేసుకుంది. స్థానికులు తెలిపిన వివరాల ప్రకారం.. ముదిగొండ మండలం ఖానాపురం గ్రామానికి చెందిన తేలుకుంట దినేష్ ( 23) పని నిమిత్తం ముదిగొండ వైపు నుంచి ఖమ్మం వెళుతున్నాడు. గుర్రాల పాడు గ్రామం వద్ద ఎదురుగా వస్తున్న టిప్పర్ అతడిని ఢీ కొట్టింది.

ఈ ప్రమాదం దినేష్ టిప్పర్ చక్రాల కింద పడటంతో అక్కడికక్కడే మృతి చెందాడు. ఈ ప్రమాదం గురించి స్థానికులు పోలీసులకు సమాచారం అందించారు. సంఘటనా స్థలానికి చేరుకున్న పోలీసులు మృతుని బాడీని పోస్టుమార్టం నిమిత్తం ఖమ్మం ప్రభుత్వ ఆసుపత్రికి తరలించారు. ఈ ప్రమాదంపై కేసు నమోదు చేసుకుని దర్యాప్తు చేస్తున్నట్లు ఎస్ జక్కుల శంకర్రావు తెలిపారు.