గ్రూపులు వద్దు.. కలిసి పని చేయండి : కేటీఆర్

దిశ,ముస్తాబాద్: రాజన్న సిరిసిల్ల జిల్లాలోని ముస్తాబాద్​ మండల బీఆర్​ఎస్​ లీడర్లకు మంత్రి కేటీఆర్​ క్లాస్​ తీసుకున్నట్లు సిరిసిల్ల నియోజకవర్గంలో , మండలం లో జోరుగా చర్చ జరుగుతుంది. ముస్తాబాద్​ మండలంలో బీఆర్​ఎస్​ నాయకులు రెండుగా వీడిపోయి ఒకవర్గంపై ఒక్కరు ఆరోపణలు చేసుకున్న విషయం అందరికి తెలిసిందే... ముస్తాబాద్​ మండల నేతల మధ్య వివాదం కాస్త కేటీఆర్​ దృష్టికి పోవడంతో నాలుగు నెలలుగా తన స్వంత నియోజకవర్గంలోని మండలానికి కేటీఆర్​ రావడం లేదని ఆవేదన వ్యక్తం చేసిన విషయాలు వాట్సఫ్ లో చక్కర్లు కొట్టింది.. ముస్తాబాద్​ బీఆర్​ఎస్ లో నేతల మధ్య నెలకొన్న వివాదాలపై ‘దిశ’ పత్రికలో ఇటీవల కొన్ని కథనాలు వచ్చాయి. తాజాగా ‘ ముస్తాబాద్​ వైపు కన్నెత్తి చూడని కేటీఆర్​’ కథనంపై స్పందించిన మంత్రి కేటీఆర్​ ముస్తాబాద్​ నేతలను హైదరాబాద్​ పిలుచుకొని క్లాస్​ తీసుకున్నట్లు ఇటు మండలం లో , అటు నియోజకవర్గంలో జోరుగా ప్రచారం జరుగుతుంది. గ్రూపులు కట్టద్దు.. కలిసి పని చేయండని కేటీఆర్​ హితవు పలికినట్లు ప్రచారం జరుగుతుంది.