తాటి చెట్టుపై నుంచి పడి గీత కార్మికుడికి తీవ్ర గాయాలు

దిశ, వీణవంక: తాటి చెట్టుపై నుంచి ప్రమాదవశాత్తు కింద పడి ఓ వ్యక్తికి తీవ్ర గాయాలైన సంఘటన మండల పరిధిలోని చల్లూరులో శనివారం చోటు చేసుకొంది. గ్రామానికి చెందిన బొంగోని సదయ్య అనే గీత కార్మికుడు తాటి చెట్టు ఎక్కి కల్లు తీస్తుండగా ప్రమాదవశాత్తు చెట్టుపై నుంచి జారిపడ్డాడు. ఈ ప్రమాదంలో సదయ్యకు తీవ్ర గాయాలయ్యాయి. గమనించిన తోటి గీత కార్మికులు, స్థానికులు అతడిని హుటాహుటిగా ఆసుపత్రికి తరలించారు. సదయ్య పరిస్థితి విషమంగా ఉన్నట్లు సమాచారం.