తెలంగాణలో మార్పు మొదలైంది : పొన్నం

దిశ,చిగురుమామిడి : తెలంగాణలో మార్పు మొదలైందని, ఇక్కడి ప్రజలు మార్పును కోరుకుంటున్నారని కరీంనగర్ మాజీ ఎంపీ, హుస్నాబాద్ కాంగ్రెస్ పార్టీ ఎమ్మెల్యే అభ్యర్థి పొన్నం ప్రభాకర్ గౌడ్ అన్నారు.ఆదివారం మండలంలోని ఓగులాపూర్, గురుకుల పల్లె, మధు మాణిక్యం, రామంచ, చిన్న ముల్కనూరు గ్రామాల్లో అసెంబ్లీ ఎన్నికల యాత్రలో పాల్గొన్నారు.ఈ సందర్భంగా ఆయన పలు గ్రామాల ప్రజలను ఉద్దేశించి మాట్లాడుతూ.. తెలంగాణ సెంటిమెంటుతో అధికారంలోకి వచ్చిన బీఆర్ఎస్ ప్రభుత్వం ఇక్కడి ప్రజలను అనేక రకాలుగా మోసం చేసిందన్నారు. తెలంగాణ రాష్ట్ర ప్రజలకు, హుస్నాబాద్ ప్రజలకు మేలు జరగాలంటే రానున్న అసెంబ్లీ ఎన్నికల్లో కాంగ్రెస్ పార్టీకి ఓటు వేసి గెలిపించాలని కోరారు. ఈ కార్యక్రమంలో పలు గ్రామాల కాంగ్రెస్ కార్యకర్తలు, అభిమానులు తదితరులు పాల్గొన్నారు.