చందానగర్ లో స్పా సెంటర్ ముసుగులో వ్యభిచారం

దిశ, శేరిలింగంపల్లి : స్పా ముసుగులో వ్యభిచారం నిర్వహిస్తున్న సెంటర్ పై హ్యూమన్ ట్రాఫికింగ్ పోలీసులు దాడి చేశారు. చందానగర్ పోలీస్ స్టేషన్ పరిధిలోని న్యూ డ్రీమ్ స్పా సెంటర్ లో వ్యభిచారం నిర్వహిస్తున్నారన్న పక్కా సమాచారంతో మంగళవారం హ్యూమన్ ట్రాఫికింగ్ పోలీసులు దాడులు చేశారు. న్యూ డ్రీమ్ స్పా సెంటర్ లో స్పా పేరుతో గత కొంతకాలంగా వ్యభిచారం నిర్వహిస్తున్నారని హ్యూమన్ ట్రాఫికింగ్ పోలీసులకు సమాచారం అందడంతో ఈ దాడులు చేశారు. ఈ ఘటనలో నలుగురు యువతులు, ఒక విటుడిని పోలీసులు అదుపులోకి తీసుకున్నారు. పట్టుబడ్డ వారి నుంచి నగదు, 6 సెల్ ఫోన్ లు, కండోమ్ ప్యాకెట్లు స్వాధీనం చేసుకున్నారు. ఈ కేసును హ్యూమన్ ట్రాఫికింగ్ పోలీసులు చందానగర్ పోలీసులకు అప్పగించారు. ఈ ఘటనపై కేసు నమోదు చేసుకున్న చందానగర్ పోలీసులు దర్యాప్తు చేస్తున్నారు.