BREAKING: గురుకుల TGT ఫలితాలు విడుదల
దిశ, తెలంగాణ బ్యూరో: తెలంగాణ సంక్షేమ గురుకుల టీజీటీ ఉద్యోగ పరీక్షల ఫలితాలు ఆదివారం వెలువడ్డాయి. ఈ ఫలితాలను గురుకుల విద్యాసంస్థల నియామక బోర్డు అధికారిక వెబ్‌సైట్‌‌లో ఉంచింది. గతేడాది ఆగస్టులో గురుకులాల్లో 4,020 ట్రైయిన్డ్‌ గ్రాడ్యుయేట్‌ టీచర్‌ (టీజీటీ) పోస్టులకు రాత పరీక్ష నిర్వహించారు. ఈ పరీక్షల్లో మెరిట్‌ సాధించిన అభ్యర్థులను 1:2 నిష్పత్తిలో ధ్రువీకరణ పత్రాల పరిశీలనకు ఎంపిక చేసింది. ఈ మేరకు ప్రొవిజినల్‌ సెలెక్షన్‌ జాబితాలను విడుదల చేసింది. ప్రొవిజినల్‌ జాబితాలో ఉన్న హాల్‌టికెట్‌ నంబర్‌ కలిగిన అభ్యర్థులకు ఫిబ్రవరి 27, 28 తేదీల్లో ధ్రువీకరణ పత్రాల పరిశీలనకు పొట్టి శ్రీరాములు తెలుగు విశ్వవిద్యాలయం గిడుగు రామూర్తి భవన్ ఆవరణలో హాజరు కావాలని సూచించింది.
సబ్జెక్టుల వారీగా ఎంపికైన జాబితాలు:
టీజీటీ మ్యాథమెటిక్స్‌
టీజీటీ బయాలజీ సైన్స్‌
టీజీటీ జనరల్‌ సైన్స్‌
టీజీటీ ఫిజికల్‌ సైన్స్‌
సంస్కృతం
తెలుగు
సోషల్‌ స్టడీస్‌
టీజీటీ ఉర్దూ
టీజీటీ హిందీ
టీజీటీ ఇంగ్లిష్‌
మిగతా వివరాలకు గురుకుల విద్యాసంస్థల నియామక బోర్డు అధికారిక వెబ్‌సైట్‌ https://treirb.cgg.gov.in/home ను సందర్శించి వివరాలు తెలుసుకోవచ్చని బోర్డు పేర్కొంది.
