తెలంగాణ ప్రజలకు గుడ్ న్యూస్.. రెండు రోజుల పాటు భారీ వర్షాలు

దిశ, వెబ్‌డెస్క్: రాష్ట్రంలోకి నైరుతి రుతుపవనాలు సకాలంలో ప్రవేశించినప్పటి, రైతులతో మాత్రం వర్షాలు దోబుచులాడుతున్నాయి. కొన్ని జిల్లాల్లో నల్లటి మేఘాలు పట్టినప్పటికీ వర్షాలు మాత్రం పడటం లేదు. దీంతో పూర్తిగా వర్షాల పై ఆదారపడిన రైతులు తీవ్ర ఆవేదన వ్యక్తం చేస్తున్నారు. ఈ క్రమంలో తెలంగాణ రైతులకు హైదరాబాద్ వాతావరణ శాఖ శుభవార్త అందించింది. రాష్ట్ర వ్యాప్తంగా రెండు రోజుల పాటు విస్తారంగా వర్షాలు కురుస్తాయని తెలిపింది. ముఖ్యంగా వరంగల్, మహబూబాబాద్, ములుగు, కొత్తగూడెం, ఖమ్మం, నల్లగొండ, సూర్యాపేట జిల్లాలో భారీ వర్షాలు కురుస్తాయని, ఆ సమయంలో గంటలకు 30-40 కిలోమీటర్ల వేగంతో గాలులు వీస్తాయని.. పైన జిల్లాలకు వాతావరణ అధికారులు ఎల్లో అలర్ట్ జారీ చేశారు. కాగా శనివారం రాత్రి నుంచి తెలంగాణలోని పలు జిల్లాల్లో తుఫాన్ మాదిరిగా చిరు జల్లులు కురుస్తున్నాయి. రైతులు వ్యవసాయ పనుల్లో నిమగ్నమయ్యారు.