దోస్త్ మేరా దోస్త్.. లూటో మేరీ జాన్.. ఆ రెండు పార్టీలపై T-కాంగ్రెస్ ఇంట్రెస్టింగ్ ట్వీట్
దిశ, వెబ్‌డెస్క్: పార్లమెంట్ ఎన్నికలు సమీపిస్తున్న వేళ కాంగ్రెస్ పార్టీ ప్రత్యర్థి పార్టీలపై సోషల్ మీడియా వేదికగా కౌంటర్లు, పంచ్‌లు వేస్తోంది. బీఆర్ఎస్, బీజేపీ పార్టీలు ఒకటే అని పదే పదే హస్తం పార్టీ ప్రచారం చేస్తోంది. ఇటీవల అసెంబ్లీలో సైతం సీఎం రేవంత్ రెడ్డి బీఆర్ఎస్, బీజేపీల దోస్తానాపై కీలక వ్యాఖ్యలు చేసిన విషయం తెలిసిందే. కేటీఆర్‌ను సీఎం చేసే అంశాన్ని కేసీఆర్ డైరెక్ట్ గా ప్రధాని మోడీతో చెప్పారని దీంతో వీరి స్నేహ బంధం ఎలా కొనసాగుతుందో అర్థం చేసుకోవచ్చన్నారు. గులాబీ, కాషాయ పార్టీపై తాజాగా టీ-కాంగ్రెస్ ట్విట్టర్ వేదికగా సెటైర్లు వేసింది. ‘ఢిల్లీల అవార్డులు ఇచ్చి.. గల్లీల గల్లాలు పట్టుకుంటాం అంటే ఎవరు నమ్మేది..?!’ అని ట్వీట్ చేసింది.
దీనికి ‘అవినీతి అంత ఎత్తున ఉంటే అవార్డులు ఎలా ఇచ్చారో.. ఇప్పటికి అంతులేని ప్రశ్న?! ఇంతకీ.. అవార్డులిచ్చి అవినీతిని ప్రోత్సహించారా.. లేక అవినీతిలో భాగముందని అంగీకరించారా.. చెప్మా!! గులాబీ లోటస్ దోస్త్ మేరా దోస్త్.. లూటో మేరీ జాన్’ అని రాసి ఉన్న.. ప్రధాని మోడీకి కేసీఆర్ వంగి నమస్కారం చేస్తున్న ఫోటో ట్యాగ్ చేసింది.
