ఫ్లైట్‌లో వాటర్ బాటిళ్లు పంచిన బీజేపీ నేత! వీడియో వైరల్

దిశ, డైనమిక్ బ్యూరో: లోక్ సభ ఎన్నికల ప్రచారంలో బీజేపీ పార్టీ దూసుకపోతున్నది. హైదరాబాద్ ఎంపీ అభ్యర్థిగా మాధవీలత ను బీజేపీ తొలి జాబితాలో ప్రకటించిన విషయం తెలిసిందే. ఈ క్రమంలోనే ఆమె ప్రజలకు చేరువ కావడానికి వివిధ కార్యక్రమాలు నిర్వహిస్తున్నారు. ఈ నేపథ్యంలో మాధవీలత ఓ ఫ్లైట్‌లో అందరికీ వాటర్ బాటిళ్లు ఫ్రీగా పంచుతూ కనిపించిన వీడియో నెట్టింట్లో వైరల్‌గా మారింది. విమానంలో వాటర్ బాటిళ్లు పంచడం ఏమిటని నెటిజన్లు ప్రశ్నిస్తున్నారు.

ఫ్లైట్ లో వెళ్లే వాళ్ళు పది రూపాయలు పెట్టి వాటర్ బాటిల్ కొనుక్కోలేరా? వాటర్ బాటిళ్లు రోడ్లపై ఉండే పేదలకు పంచాలని ఆమెకు పలువురు నెటిజన్లు సూచిస్తున్నారు. ఫ్లైట్‌లో నిరుపేదలకు వాటర్ బాటిళ్లు పంచుతున్న బీజేపీ నేత అంటూ ఆమె పై నెటిజన్లు సెటైర్లు వేస్తున్నారు. ఆ ఫ్లైట్ అయోధ్యకు వెళ్తున్నా ప్రత్యేక విమానమని, రామ భక్తులకు ఆమె నీరు అందించారని, అంతకు ముందు పండ్లు కూడా ఇచ్చారని మరో నెటిజన్ కామెంట్ చేశారు. మనసున్న మంచి మనిషి.. మా కాబోయే ఎంపీ అంటూ మరికొందరు ఆమెను అభినందిస్తున్నారు.