Assembly: స్పీకర్ గడ్డం ప్రసాద్ ను కలిసిన బీఆర్ఎస్ ఎమ్మెల్యేలు
దిశ, వెబ్ డెస్క్: తెలంగాణలో అసెంబ్లీ సమావేశాలు(Telangana Assembly Sessions) జోరుగా కొనసాగుతున్నాయి. అధికార, ప్రతిపక్ష నేతల మధ్య మాటల యుద్దం కొనసాగుతోంది. ఈ నేపథ్యంలోనే హరీష్ రావు(Harish Rao Thanneeru) సహా బీఆర్ఎస్ శాసనసభ పక్షం (BRS MLAs) స్పీకర్ గడ్డం ప్రసాద్ కుమార్(Spesker Gaddam Prasad Kumar ) ను కలిశారు. అసెంబ్లీలో ఫార్ములా ఈ రేసింగ్(Formula E Racing) అంశంపై చర్చ(Discussion) జరపాలని స్పీకర్ కు వినతి పత్రం అందజేశారు. కాగా బీఆర్ఎస్ హయాంలో హైదరాబాద్(HYD) లో నిర్వహించిన ఫార్ములా ఈ కార్ రేసింగ్ లో అవకతవకలు జరిగాయని ఆరోపిస్తూ.. ఏసీబీ కేసు నమోదు చేసుకొని విచారణ జరుపుతోంది.
ఈ కేసులో అప్పటి ఐటీ, మున్సిపల్ శాఖ మంత్రి కేటీఆర్ ను విచారించేందుకు గవర్నర్ అనుమతి కూడా ఇచ్చారు. దీంతో త్వరలో కేటీఆర్ ను విచారణకు పిలిచే అవకాశం ఉందని వార్తలు ఊపందుకున్నాయి. ఈ నేపథ్యంలోనే బీఆర్ఎస్ నేతలు అసెంబ్లీలో ఈ అంశంపై చర్చ జరపాలని కోరడం ఆసక్తికరంగా మారింది. దీనిపై అసెంబ్లీలో చర్చ జరిగితే.. ఫార్ములా ఈ రేసింగ్ లో ఎలాంటి అవినీతి జరగలేదని, కాంగ్రెస్ ప్రభుత్వం కావాలని గత ప్రభుత్వంపై కుట్రలు చేస్తోందని ప్రజల్లోకి తీసుకెళ్లవచ్చనే యోచనలో బీఆర్ఎస్ నేతలు ఉన్నట్లు తెలుస్తోంది. దీంతో పార్టీకి జరిగిన డ్యామేజీలో కొంతైనా సరిదిద్దవచ్చని ప్లాన్ లో ఉన్నట్లు చర్చ జరుగుతోంది.
