మేక పిల్లకు పాలిచ్చిన శునకం

దిశ నేరడిగొండ : ఆకలితో ఉన్న మేక పిల్లకు పాలిచ్చి ఓ కుక్క అమ్మతనాన్ని చాటుకుంది. ఆదిలాబాద్ జిల్లా ఇచ్చోడ మండలం బాదిగూడ గ్రామంలోని ఓ రైతు కుక్కను పెంచుకుంటున్నాడు. అదే రైతు గత సోమవారం ఇచ్చోడ మార్కెట్ నుంచి ఓ బుజ్జి మేక పిల్లను పోషించేందుకు తెచ్చుకున్నాడు. ఓ రోజు మేక పిల్లకు ఆకలి వేసిందో ఏమో కుక్క దగ్గరికి వెళ్లి పాలు తాగింది. అప్పటినుంచి ప్రతి రోజు ఆ మేక పిల్ల కుక్క పాలను తాగుతుంది. ఆ కుక్క కూడా కదలకుండా మేక పిల్లకు పాలిచ్చి దాని ఆకలి తీరుస్తుందని రైతు చెబుతున్నాడు.