Vivo Y300: త్వరలో భారత మార్కెట్లో వివో నుంచి కొత్త ఫోన్ విడుదల
దిశ, వెబ్‌డెస్క్: చైనా(China)కు చెందిన ప్రముఖ స్మార్ట్‌ఫోన్‌ తయారీ సంస్థ వివో(Vivo) మరో కొత్త మొబైల్ త్వరలో విడుదల చేయనుంది. వివో Y300 (Vivo Y300) పేరుతో దీన్ని రిలీజ్ చేయబోతున్నారు. ఈ నెల చివరి వరకు దీన్ని భారత మార్కెట్లో(Indian Market) ఆవిష్కరిస్తారని తెలుస్తోంది. కాగా Y300, Y300 ప్లస్ ఫోన్లను ఇటీవలే విడుదల చేసిన వివో తాజాగా Y300 మొబైల్ ను ప్రవేశపెట్టబోతుంది. ఈ కొత్త ఫోన్ టైటానియం సిల్వర్, ఎమరాల్డ్ గ్రీన్, ఫాంటమ్ పర్పుల్ మూడు కలర్స్ లో కొనుగోలుకు అందుబాటులో ఉంటుంది. ఇక ఫీచర్ల విషయానికొస్తే.. క్వాల్ కామ్ స్నాప్‌డ్రాగన్ 695 ఎస్వోసీ ప్రాసెసర్(Qualcomm Snapdragon 695 SOC Processor)తో ఈ స్మార్ట్ ఫోన్ పని చేస్తుంది. ఇక బ్యాక్ సైడ్ 64 మెగా పిక్సెల్ సోనీ(Sony) ప్రైమరీ కెమెరా, 2 మెగా పిక్సెల్ సెకండరీ కెమెరాలను కలిగి ఉంది. అలాగే 80W ఫాస్ట్ ఛార్జింగ్‌ సపోర్టుతో ఈ ఫోన్ రాబోతున్నట్లు సమాచారం. అయితే దీనికి సంబంధించి పూర్తి వివరాలను కంపెనీ త్వరలో అధికారంగా ప్రకటించనున్నట్లు తెలుస్తోంది.
