వైసీపీ లీడర్లకు షాకిచ్చిన అనంతపురం వాసులు

దిశ, ఏపీబ్యూరో : అనంతపురం జిల్లాలో ఇళ్ల పట్టాల పంపిణీకి వెళ్లిన వైసీపీ నేతలకు ఊహించని అనుభవం ఎదురైంది. జిల్లా వ్యాప్తంగా 2.19 లక్షల ఇళ్ల పట్టాలు పంపిణీ చేశారు. కదిరి, తాడిపత్రి ఎమ్మెల్యేలకు మహిళలు షాక్ ఇచ్చారు.

ఈ పట్టా ఎవరిస్తున్నారో తెలుసా అని కదిరి ఎమ్మెల్యే శిద్ధారెడ్డి అడిగారు. దీంతో ఓ మహిళ చంద్రబాబు ఇస్తున్నారని చెప్పడంతో అక్కడున్నవారంతా అవాక్కయ్యారు. అటు తాడిపత్రి నియోజకవర్గం యాడికి మండలంలో ఎమ్మెల్యే కేతిరెడ్డి పెద్దారెడ్డికి కూడా ఇలాంటి సమాధానమే వచ్చింది. చంద్రబాబు ఈ పట్టా ఇచ్చారని చెప్పడంతో ఎమ్మెల్యే నిర్ఘాంతపోయారు. వైసీపీ ప్రభుత్వం ఇన్ని పథకాలు ఇస్తున్నా చంద్రబాబు పేరు చెప్పడంపై ఆయన ఒకింత అసహనం వ్యక్తం చేశారు.