కరోనా వ్యాప్తి చెందుతోంది.. రంగం సిద్ధం చేయండి

దిశ ప్రతినిధి, కరీంనగర్: రాష్ట్రంలో రోజు రోజుకు పెరుగుతున్న కరోనా కేసుల దృష్ట్యా ఐసోలేషన్ కేంద్రాలు ఏర్పాటు చేయాలని ఉన్నతాధికారులు జిల్లాల యంత్రాంగానికి ఆదేశాలు జారీ చేశారు. గతేడాది ఏర్పాటు చేసిన కేంద్రాలు ఇప్పుడు ఎన్ని సిద్ధం చేస్తున్నారు అన్న వివరాలు పంపించాలని కోరారు. ఈ మేరకు ఆయా జిల్లాల వైద్య ఆరోగ్య శాఖ అధికారులు ఐసోలేషన్ కేంద్రాలకు సంబంధించిన ఏర్పాట్లు వసతులు అన్ని సిద్ధం చేసే పనిలో నిమగ్నం అయ్యారు. కరోనా ఉగ్ర రూపం దాల్చక ముందే అన్ని రకాలుగా సిద్ధంగా ఉండాలని ఉన్నతాధికారులు సూచించారు.