ఆర్మూర్‌లో శ్రీనివాస్ మృతి.. పలు అనుమానాలు

దిశ, ఆర్మూర్: జిల్లాలో ఓ కాంట్రాక్టర్ అనుమానాస్పద స్థితిలో మృతిచెందాడు. ఈ ఘటన ఆలస్యంగా వెలుగు చూసింది. వివరాల్లోకి వెళితే.. శ్రీనివాస్ గౌడ్(48) అనే వ్యక్తి మాక్లూర్ మండలం కల్లెడి గ్రామవాసి. కాగా, ఇతను హైద్రాబాద్ లోని చైతన్య పురిలో ఉంటూ సివిల్ కాంట్రాక్ట్ పనులు చేస్తున్నట్లు తెలిసింది.

అయితే, ఇతడి మృతదేహం ఆ గ్రామశివారులోని చెరువులో మంగళవారం తేలియాడుతూ కనిపించాడు. ఇది గమనించిన స్థానికులు పోలీసులకు సమాచారం ఇచ్చారు. అక్కడి చేరుకున్న పోలీసులు మృతదేహాన్ని బయటకు తీయగా అతను అదే గ్రామానికి చెందిన శ్రీనివాస్ గా గుర్తించారు. అనంతరం మృతదేహాన్ని మార్చురీకి తరలించారు. అనుమానాస్పద కేసుగా నమోదు చేసుకున్న పోలీసులు దర్యాప్తును ప్రారంభించారు.