Richest Pakistani Cricketers: పాకిస్తాన్‌లో ధనవంతులైన క్రికెటర్లు వీళ్లే..వారి ఆస్తులు ఎంతో తెలిస్తే షాక్ అవ్వాల్సిందే
దిశ, వెబ్ డెస్క్: Richest Pakistani Cricketers: మన టిమిండియా క్రికెటర్ల సంపాదన చూసి అమ్మో..అన్ని కోట్లు సంపాదిస్తున్నారా అని ఆశ్చర్యపోతుంటాము. అయితే పాకిస్తాన్ కు చెందిన కొంతమంది ఆటగాళ్లకు మంచి రికార్డు ఉంది. ఆటలోనే కాదు..సంపాదనాలలోనూ తీసిపోరు. పాకిస్తాన్ లో ధనవంతులైన క్రికెటర్ల గురించి తెలుసుకుందాం. వారి ఆస్తుల విలువ తెలిస్తే షాక్ అవ్వాల్సిందే.
పాకిస్తాన్ క్రికెట్ ప్రపంచానికి ఎంతో మంది గొప్ప ఆటగాళ్లను అందించింది. ఆటలోనే కాదు కోట్ల విలువైన ఆస్తులను కూడా కలిగి ఉన్నారు. క్రికెట్ మైదానంలో సిక్సర్లు, ఫోర్ల వర్షం కురిపించే ఈ స్టార్లు తమ సంపాదన పరంగా వెనుకబడలేదు. క్రికెట్‌తో పాటు, బ్రాండ్ ఎండార్స్‌మెంట్‌లు, వ్యాపారం, కోచింగ్ ద్వారా కూడా కోట్లాది రూపాయలు సంపాదించారు. బాబర్ ఆజం నుండి ఇమ్రాన్ ఖాన్ వరకు చాలా మంది పేర్లు ఈ జాబితాలో ఉన్నాయి. పాకిస్తాన్‌లోని 10 మంది ధనవంతులైన క్రికెటర్ల గురించి తెలుసుకుందాం. ఎవరి వద్ద అత్యధిక సంపద ఉందో చూద్దాం.
ఇమ్రాన్ ఖాన్:
పాకిస్తాన్ మాజీ కెప్టెన్, మాజీ ప్రధాని ఇమ్రాన్ ఖాన్ అత్యంత ధనవంతుడైన పాకిస్తాన్ క్రికెటర్. ఆయన మొత్తం ఆస్తులు రూ.433 కోట్లుగా చెబుతున్నారు. క్రికెట్ నుంచి రిటైర్ అయిన తర్వాత, ఆయన రాజకీయాల్లోకి ప్రవేశించి, అనేక పెద్ద ప్రాజెక్టులతో కూడా సంబంధం కలిగి ఉన్నారు.
షాహిద్ అఫ్రిది:
'బూమ్ బూమ్' గా ప్రసిద్ధి చెందిన షాహిద్ అఫ్రిది పాకిస్తాన్‌లో రెండవ అత్యంత ధనవంతుడైన క్రికెటర్. అతని మొత్తం సంపద రూ.390 కోట్లు. క్రికెట్‌తో పాటు, అతను వ్యాపారం, బ్రాండ్ ఎండార్స్‌మెంట్‌లు, అతని ఫౌండేషన్ ద్వారా కూడా సంపాదిస్తాడు.
షోయబ్ మాలిక్:
పాకిస్తాన్ అనుభవజ్ఞుడైన ఆల్ రౌండర్ షోయబ్ మాలిక్ మొత్తం సంపద రూ.211 కోట్లుగా చెబుతున్నారు. అతను అనేక T20 లీగ్‌లలో ఆడాడు. బ్రాండ్ ఎండార్స్‌మెంట్‌ల నుండి కూడా సంపాదిస్తాడు.
మొహమ్మద్ హఫీజ్:
పాకిస్తాన్ మాజీ ఆల్ రౌండర్ మహ్మద్ హఫీజ్ నికర విలువ దాదాపు రూ.199 కోట్లు. అతను పాకిస్తాన్ తరఫున అత్యంత నమ్మకమైన బ్యాట్స్‌మెన్, బౌలర్లలో ఒకడు. ఫ్రాంచైజ్ క్రికెట్ నుండి కూడా మంచి సంపాదన పొందాడు.
షోయబ్ అక్తర్:
'రావల్పిండి ఎక్స్‌ప్రెస్' గా ప్రసిద్ధి చెందిన పాకిస్తాన్ మాజీ ఫాస్ట్ బౌలర్ షోయబ్ అక్తర్ మొత్తం సంపద రూ.173 కోట్లుగా చెబుతున్నారు. క్రికెట్‌తో పాటు, అతను వ్యాఖ్యానం, యూట్యూబ్ ఛానల్ ద్వారా కూడా మంచి ఆదాయాన్ని సంపాదిస్తాడు.
అజార్ అలీ
పాకిస్తాన్ మాజీ కెప్టెన్ అజార్ అలీ నికర విలువ దాదాపు రూ.130 కోట్లు. అతను టెస్ట్ క్రికెట్‌లో అద్భుతంగా రాణించాడు. అనేక లీగ్‌లలో ఆడటం ద్వారా కూడా మంచి డబ్బు సంపాదించాడు.
సయీద్ అన్వర్
పాకిస్తాన్ దిగ్గజ ఓపెనర్ సయీద్ అన్వర్ మొత్తం సంపద రూ.102 కోట్లుగా చెబుతున్నారు. అతను ప్రపంచంలోని అత్యుత్తమ బ్యాట్స్‌మెన్‌లలో ఒకరిగా పరిగణించారు. క్రికెట్ కాకుండా బిజినెస్ లోనూ రాణిస్తున్నాడు.
మిస్బా-ఉల్-హక్
పాకిస్తాన్ మాజీ కెప్టెన్ మిస్బా-ఉల్-హక్ మొత్తం సంపద రూ.81 కోట్లు. అతను తన కెరీర్‌లో పాకిస్తాన్‌కు అనేక విజయాలను అందించాడు. కోచింగ్ ద్వారా భారీ ఆస్తులను కూడబెట్టాడు.
ఫవాద్ ఆలం
పాకిస్తాన్ ఆల్ రౌండర్ ఫవాద్ ఆలం నికర విలువ దాదాపు రూ.50 కోట్లు ఉంటుందని చెబుతున్నారు. చాలా కాలంగా జట్టుకు దూరంగా ఉన్నప్పటికీ, అతను దేశీయ క్రికెట్, లీగ్ క్రికెట్ ద్వారా బాగా సంపాదించాడు.
బాబర్ ఆజం
పాకిస్తాన్ స్టార్ బ్యాట్స్‌మన్, మాజీ కెప్టెన్ బాబర్ ఆజం నికర విలువ దాదాపు రూ.41 కోట్లు. అతను పాకిస్తాన్‌లో అత్యంత విజయవంతమైన బ్యాట్స్‌మెన్‌లలో ఒకడు. క్రికెట్‌తో పాటు, అతను బ్రాండ్ ఎండార్స్‌మెంట్‌ల ద్వారా కూడా సంపాదిస్తాడు.
