4వ ర్యాంక్‌కు దూసుకొచ్చిన స్మృతి మంధాన
దిశ, స్పోర్ట్స్ : టీమ్ ఇండియా స్టార్ స్మృతి మంధాన ఐసీసీ వన్డే ర్యాంకింగ్స్‌లో తన ర్యాంక్‌ను మెరుగుపర్చుకుంది. మంగళవారం ఐసీసీ వన్డే ర్యాంకింగ్స్‌ను రిలీజ్ చేసింది. బ్యాటింగ్ విభాగంలో స్మృతి మంధాన రెండు స్థానాలు ఎగబాకింది. ఎల్లీస్ పెర్రీ(ఆస్ట్రేలియా), లారా వోల్వార్డ్(సౌతాఫ్రికా)లను వెనక్కినెట్టి 4వ ర్యాంక్‌కు చేరుకుంది. భారత కెప్టెన్ హర్మన్‌ప్రీత్ కౌర్ 10వ స్థానంలో కొనసాగుతోంది. ఇంగ్లాండ్ క్రీడాకారిణి నాట్ స్కివర్ బ్రంట్ అగ్రస్థానంలో ఉండగా.. చమరి ఆటపట్టు(శ్రీలంక), బెత్ మూనీ(ఆస్ట్రేలియా) వరుసగా రెండు, మూడు స్థానాల్లో ఉన్నారు. బౌలింగ్ విభాగంలో ఇంగ్లాండ్ క్రీడాకారిణి సోఫియా ఎక్లోస్టోన్ టాప్ పొజిషన్‌లో ఉంది. భారత ఆల్‌రౌండర్ దీప్తి శర్మ ఒక్క స్థానం కోల్పోయి 4వ ర్యాంక్‌కు పడిపోయింది. ఆల్‌రౌండర్ విభాగంలో ఒక్క స్థానాన్ని మెరుగుపర్చుకుని 5వ ర్యాంక్‌కు చేరుకుంది.
