SL vs IND: టాస్ గెలిచిన భారత్.. జట్టులోకి సంజు శాంసన్
దిశ, వెబ్ డెస్క్: భారత టీ20 జట్టు శ్రీలంక టూర్ లో భాగంగా ఈ రోజు రెండో టీ20 మ్యాచును ఆడనుంది. ఈ మ్యాచులో పల్లెకెలె వేదికగా జరుగుతుండగా.. వర్షం కారణంగా టాస్ ఆలస్యం అయింది. అనంతరం 7.15 టాస్ వేయగా భారత్ టాస్ గెలిచి బౌలింగ్ ఎంచుకుంది. దీంతో శ్రీలంక జట్టు మొదట బ్యాటింగ్ చేయనుంది. ఇదిలా ఉంటే రెండో టీ20 మ్యాచ్ లోకి యువ ప్లేయర్ గిల్ స్థానంలో మరో యువ ప్లేయర్ సంజూ శాంసన్ చోటు దక్కించుకున్నాడు. ఐపీఎల్ లో రాజస్థాన్ రాయల్స్ కెప్టెన్ గా సూపర్ ఫామ్ లో ఉన్న అతను.. టీ20 వరల్డ్ కప్ జట్టులో స్థానం దక్కించుకున్నప్పటికి.. తుది జట్టులో ఆడలేకపోయాడు. కాగా ఈ మ్యాచులో సంజూ స్థానం దక్కింది. దీంతో అందరూ అతని ప్రదర్శన కోసం ఎదురు చూస్తున్నారు. కాగా 7. 45కు మ్యాచ్ ప్రారంభం కానుంది. ఈ మ్యాచులో భారత్ గెలిస్తే.. టీ20 సిరీస్ దక్కనుండగా.. శ్రీలంక జట్టు గెలిస్తే.. 1-1తో సిరీస్ సమం కానుంది.
