RUN OUT: సిక్స్ కొట్టిన బ్యాట్స్‌మెన్ అయినా.. రన్ అవుట్, సోషల్ మీడియాలో వీడియో వైరల్

దిశ, వెబ్‌డెస్క్: కొంతమంది ఏది చేసినా.. కథ అడ్డం తిరుగుతుంది. బహుషా వారి గ్రహచారం అలా ఉందేమో అని సరిపెట్టుకుంటాం. అయితే, అచ్చం అలాంటి ఘటనే నేపాల్ నెదర్లాండ్స్ మధ్య జరుగుతున్న టీ20 మ్యాచ్‌లో చోటుచేసుకుంది. బ్యాట్స్‌మెన్ సిక్స్ కొట్టినా.. రన్ అవుట్ అయిన వీడియో ప్రస్తుతం సోషల్ మీడియాలో వైరల్ అవుతోంది. నేపాల్, నెదర్లాండ్ జట్ల మధ్య జరిగిన టీ20 మ్యాచ్‌లో టాస్ గెలిచి బ్యాటింగ్ ఎంచుకున్న నెదర్లాండ్స్‌ జట్టు ముందుగా బ్యాటింగ్‌కు దిగింది.

ఈ క్రమంలో నేపాల్ బౌలర్ దీపేందర్ సింగ్ ఐరీ వేసిన పుల్‌టాస్ బాల్‌ను నెదర్లాండ్ బ్యాట్స్‌మెన్ రోలోఫ్ వాన్‌డెర్‌మెర్వే‌ లాంగ్ ఆన్ వైపు షాట్ ఆడాడు. అయితే, బంతి బౌండరీ లైన్ బయట పడుతుండగా మందుగా అందరూ సిక్స్ అని భావించారు. కానీ అక్కడ ఫీల్డింగ్ చేస్తున్న భుర్టెల్ తన అద్భుతమైన ఫీల్డింగ్‌తో బంతిని బౌండరీ లైన్ బయట పడకుండా ఆపేశాడు. అనంతరం భ్రుతేల్ బాల్‌ను వికెట్ కీపర్ వైపు వేయగా.. నెదర్లాండ్ బ్యాట్స్‌మెన్ కింగ్మా క్రీజ్ రనౌట్ అయ్యాడు. దీంతో నెదర్లాండ్ జట్టు 19 ఓవర్లలోనే 120 పరుగులకు అలౌటైంది. అయితే అందుకు సంబంధించిన వీడియో సోషల్ మీడియాలో విపరీతంగా వైరల్ అవుతోంది.

Turning a certain six into a wicket.#NEPvNED #NEPT20I pic.twitter.com/JGl7IT07jP

— Bertus de Jong (@BdJcricket) March 2, 2024