Mahakumbh Mela 2025: దటీజ్ మహాకుంభమేళ.. జాక్‌పాట్‌ కొట్టిన రైల్వేశాఖ.. ఎంత సంపాదించారంటే?
దిశ, వెబ్‌డెస్క్: Mahakumbh Mela 2025: మహా కుంభమేళా(Mahakumbh Mela) 2025 సందర్భంగా.. ప్రయాగ్‌రాజ్‌లో రైల్వేలు టిక్కెట్ల అమ్మకాలలో రికార్డు సృష్టించాయి. ప్రయాగ్‌రాజ్ జిల్లాలోని తొమ్మిది రైల్వే స్టేషన్ల నుండి మొత్తం 186.99 కోట్ల విలువైన టిక్కెట్లు అమ్ముడయ్యాయి. నార్త్ సెంట్రల్ రైల్వేలోని నాలుగు స్టేషన్ల నుండి రూ.159.20 కోట్ల విలువైన టిక్కెట్లు, నార్తర్న్ రైల్వే లక్నో డివిజన్‌లోని మూడు స్టేషన్ల నుండి రూ.21.79 కోట్లు, నార్త్ ఈస్టర్న్ రైల్వే వారణాసి డివిజన్‌లోని రెండు స్టేషన్ల నుండి రూ.6 కోట్ల విలువైన టిక్కెట్లు అమ్ముడయ్యాయి.
మహా కుంభమేళా సందర్భంగా, ప్రయాగ్‌రాజ్‌లోని ఎనిమిది రైల్వే స్టేషన్లు జనంతో కిక్కిరిసిపోయాయి. టిక్కెట్ల అమ్మకంలో కూడా సరికొత్త రికార్డు సృష్టించాయి. టిక్కెట్ల అమ్మకాల కంటే జనసమూహ నిర్వహణ ప్రాధాన్యత అయినప్పటికీ, ఈ పండుగ రైల్వేశాఖ(railways)కు కాసుల పంట వర్షం కురిపించింది. మహా కుంభమేళా సమయంలో, ప్రయాగ్‌రాజ్(Prayagraj) జిల్లాలోని మూడు జోన్‌లలోని తొమ్మిది రైల్వే స్టేషన్ల నుండి మొత్తం 186.99 కోట్ల విలువైన టిక్కెట్లు అమ్ముడైనట్లు రైల్వే శాఖ పేర్కొంది.
మహా కుంభమేళా 2025 జనవరి 11 నుండి ఫిబ్రవరి 28 వరకు నార్త్ సెంట్రల్ రైల్వే, ప్రయాగ్‌రాజ్ జంక్షన్, సుబేదార్‌గంజ్, నైని, ఛోకిలోని నాలుగు స్టేషన్లలో రూ.159.20 కోట్ల విలువైన టిక్కెట్లు అమ్ముడయ్యాయి. అయితే 2019 అర్ధ కుంభమేళా సందర్భంగా రూ.86.65 కోట్ల విలువైన టిక్కెట్లు మాత్రమే అమ్ముడయ్యాయి. అదే సమయంలో, నార్త్ రైల్వే లక్నో డివిజన్‌లోని ఫాఫమౌ, ప్రయాగ్, సంగం స్టేషన్ల నుండి రూ.21.79 కోట్ల విలువైన టిక్కెట్లు అమ్ముడయ్యాయి. నార్త్ ఈస్టర్న్ రైల్వేలోని వారణాసి డివిజన్‌లోని రాంబాగ్, ఝున్సి రైల్వే స్టేషన్ల నుండి రూ.6 కోట్ల విలువైన టిక్కెట్లు అమ్ముడైనట్లు వెల్లడించింది.
రైల్వే టికెట్ అమ్మకాలలో అన్‌రిజర్వ్డ్ టికెటింగ్ సిస్టమ్ (UTS), ఆటోమేటిక్ టికెట్ వెండింగ్ మెషీన్లు (ATVM), ప్యాసింజర్ రిజర్వేషన్ సిస్టమ్ (PRS) కౌంటర్లతో పాటు, మొబైల్ అన్‌రిజర్వ్డ్ టికెటింగ్ సిస్టమ్ (MUTS) అతిపెద్ద పాత్ర పోషించింది. జనవరి నెలలో మొత్తం ప్రయాగ్‌రాజ్ డివిజన్ మొత్తం ఆదాయం రూ.306.06 కోట్లు కాగా, లక్నో డివిజన్ మొత్తం రూ.358.07 కోట్లు ఆర్జించింది. ప్రయాణీకుల ఛార్జీలతో పాటు, ప్రకటనలు, వస్తువులు, క్యాటరింగ్, పార్కింగ్, ఇతర ప్రయాణీకుల సౌకర్యాలు కూడా మొత్తం ఆదాయంలో చేర్చారు.
రైల్వేలు 3,000 మహా కుంభ ప్రత్యేక రైళ్లను నడపాలని ప్లాన్ చేసంది. కానీ రద్దీ పెరగడంతో, 7,000 కంటే ఎక్కువ రైళ్లను నడిపారు. ఈ రైళ్లు ప్రయాగ్‌రాజ్ జంక్షన్, సుబేదార్‌గంజ్, నైని, ఛోకి, రాంబాగ్, ఝున్సీ, ఫాఫామౌ, ప్రయాగ్‌రాజ్ సంగం నుండి నడిచాయి.వీటిలో 4,540 ప్రత్యేక రైళ్లు ప్రయాగ్‌రాజ్ నుండి యాత్రికులను తీసుకువెళ్లి బయలుదేరాయి. వాటిలో ప్రయాణించే ప్రయాణికులు టికెట్ల అమ్మకాలలో అతిపెద్ద పాత్ర పోషించారు. ఇది కాకుండా, ఇక్కడ 9,543 రోజువారీ రైళ్లు నడిచాయి. 415 రింగ్ పట్టాలు నడిచాయి. మహా కుంభమేళా సమయంలో మొత్తం 16,870 రైళ్లు నడిచాయి. ఈ లెక్కన మహాకుంభమేళా రైల్వే శాఖకు కాసుల పంట పండించిందని చెప్పవచ్చు.
