హీరామండిలో సోనమ్.. భన్సాలీని కలిసింది అందుకేనా?

దిశ, సినిమా: బాలీవుడ్ దివా సోనమ్ కపూర్ మెంటార్ సంజయ్ లీలా భన్సాలీని కలిసింది. సిస్టర్ రియా కపూర్ వెడ్డింగ్ సెరెమనీకి అటెండ్ అయిన ఆమె.. ఆ తర్వాత గురువు సంజయ్‌ను మర్యాదపూర్వకంగా కలిసినట్లు సమాచారం. అయితే ఈ మీట్ పై బీ టౌన్‌లో చర్చ జరుగుతోంది. ప్రస్తుతం సంజయ్ ‘హీరామండి’ సిరీస్ ప్లాన్ చేస్తున్న విషయం తెలిసిందే. దీనిపై నెట్ ఫ్లిక్స్‌తో ఇప్పటికే అగ్రిమెంట్ జరగ్గా.. అలియా భట్, సోనాక్షి సిన్హా ఫైనల్ అయ్యారు. కాగా ఈ సిరీస్‌లో ఆరుగురు ఫిమేల్ లీడ్స్ నటించనుండగా.. తను లాంచ్ చేసిన సోనమ్‌ను కూడా ఎంపిక చేశాడా అనేది టాక్. కాగా భన్సాలీ ‘ సావరియా’ చిత్రం ద్వారా సోనమ్, రణ్ బీర్‌ కపూర్‌లను ఇంట్రడ్యూస్ చేసిన విషయం తెలిసిందే.