ఎక్స్‌ప్లోరేష‌న్ విభాగంలో పదిమంది బదిలీ

దిశ‌, ఖ‌మ్మం: సింగరేణి వ్యాప్తంగా ఎక్స్‌ప్లోరేష‌న్ విభాగంలో పనిచేస్తున్న పదిమంది అధికారులను బదిలీ చేస్తూ జీఎం(పర్సనల్) ఎ.ఆనందరావు సోమవారం ఉత్తర్వులు జారీ చేశారు. కొత్తగూడెం ఎక్స్‌ప్లోరేష‌న్ విభాగంలో ప‌నిచేస్తున్న సూపరింటెండెంట్ జియాలజిస్ట్ టి.రమేష్, డిప్యూటీ సూపరింటెండెంట్ జియాలాజిస్ట్ టి.అంజయ్య, రామగుండానికి చెందిన ఎం. చంద్రమౌళి, శర్వాన్ కుమార్‌ల‌ను ఒడిశాలోని కోల్ బ్లాక్ ఎక్స్‌ప్లోరేష‌న్‌కు బ‌దిలీ చేశారు. అలాగే బెల్లంపల్లికి చెందిన సీనియర్ జియాలజిస్టులు ఎం.వెంకట నాగరాజు, బోగ రాజును కొత్తగూడెంకు బ‌దిలీ చేశారు. బెల్లంపల్లికి చెందిన కె. వెంకటేష్‌ను రామగుండానికి, కొత్తగూడెంలో డ్రిల్లింగ్ డిపార్ట్‌మెంట్‌లో ఎస్ఈగా ప‌నిచేస్తున్న కె. శ్రీనివాసరావును రామగుండానికి బదిలీ చేస్తున్నట్లు ఉత్తర్వుల్లో వెల్లడించారు.