శింబు అభిమానికి కరోనా.. ఫోన్ లో భరోసా ఇచ్చిన హీరో
కోలీవుడ్ సూపర్ స్టార్ శింబుకు ఫ్యాన్ ఫాలోయింగ్ మామూలుగా ఉండదు. ఆయన సినిమా వచ్చిందంటే ఫ్యాన్స్ పండగ చేసుకుంటారు. సినిమా బాక్సాఫీస్ దగ్గర రికార్డులు తిరగరాయడంలో అభిమానుల పాత్ర అధికమే. ఫ్యాన్స్ తమ అభిమాన హీరోలను గుండెల్లో పెట్టుకుంటే… వారిని దేవుడిచ్చిన కుటుంబంగా భావిస్తుంటారు సెలబ్రిటీలు. వారు ఆపదలో ఉన్నారంటే వెంటనే స్పందిస్తుంటారు. ఈ మధ్య మెగాస్టార్ చిరంజీవి తన అభిమాని గుండె జబ్బుతో బాధపడుతుంటే ఆపరేషన్ చేయించి.. తన బాగోగులు చూసుకుంటున్నాడు.
ఇప్పుడు హీరో శింబు తన అభిమానికి కరోనా పాజిటివ్ అని తేలడంతో విలవిలలాడిపోయాడు. వెంటనే అక్కడి డాక్టర్లతో మాట్లాడి తన బాగోగులు దగ్గరుండి చూసుకోవాలని కోరాడు. అభిమానితో కూడా ఫోన్ లో మాట్లాడి ఎలాంటి బాధ అవసరం లేదని భరోసా ఇచ్చాడు. తమిళనాడు కడ్లూర్ STR ఫ్యాన్స్ అసోసియేషన్ ప్రెసిడెంట్ అయిన C.N. శింబు ఆనందన్ ఇటీవలే కొవిడ్ 19 వ్యాధితో చిదంబరం హాస్పిటల్ లో చేరాడు. ఈ విషయం తెలుసుకున్న శింబు వెంటనే ప్రభుత్వ ప్రతినిధులు, వైద్యులతో మాట్లాడి తన ఫ్యాన్ అనారోగ్యంతో ఉన్నాడు అనే బాధ దరిచేరకుండా… త్వరగా రికవరీ అవుతాడనే నమ్మకం కలిగించాలని కోరాడు. తాను కూడా ఆ దేవునికి ప్రార్థన చేస్తానని చెప్పాడు.
కాగా శింబు ఫ్యాన్ పట్ల చూపిన ప్రేమకు తోటి నటులు ప్రశంసలు కురిపించారు. హీరో హరీష్ కళ్యాణ్ శింబును నిజమైన హీరో అని కీర్తిస్తూ ట్వీట్ చేశాడు.
Tags: Simbu, Fans, CoronaVirus, Covid 19, Kollywood
