'ఆర్ఆర్ఆర్' .. అలియా పారితోషికం రికార్డే!
దిశ, వెబ్‌డెస్క్: బాలీవుడ్ బ్యూటీ అలియాభట్‌ పాత్రకు ప్రాణం పోస్తుంది. తెరపై తన సహజ నటనను చూసి… జనరల్ నాలెడ్జ్ తక్కువ అని కామెంట్స్ చేసిన వారే.. తనకున్న సినిమా నాలెడ్జ్‌పై కాంప్లిమెంట్స్ ఇచ్చారు. రాజీ, ఉడ్తా పంజాబ్ లాంటి చిత్రాలు ఆమె నటనా నైపుణ్యానికి ఉదాహరణలు కాగా.. ప్రస్తుతం ఈ అమ్మడు సౌత్ ఇండస్ట్రీలోనూ అడుగుపెడుతోంది.
దర్శక ధీరుడు ఎస్ఎస్ రాజమౌళి దర్శకత్వంలో తెరకెక్కుతున్న ప్రతిష్టాత్మక చిత్రం ‘రౌద్రం రణం రుధిరం’ సినిమాలో ప్రధాన పాత్రలో నటిస్తోంది. ఈ సినిమాలో రామ్ చరణ్ తేజ్‌కు జంటగా కనిపించబోతున్న అలియా .. త్వరలోనే ఆర్ఆర్ఆర్ టీంతో జాయిన్ కాబోతోంది. అయితే బాలీవుడ్‌లో భారీ క్రేజ్ ఉన్ భామ….. ఈ సినిమా కోసం తీసుకుంటున్న రెమ్యునరేషన్ సినీ ఇండస్ట్రీలో హాట్ టాపిక్ అయింది. జక్కన్న చిత్రానికి పది రోజుల కాల్షీట్లు ఇచ్చిన అలియా.. రోజుకు రూ. 50 లక్షలు డిమాండ్ చేసిందట. అంటే మొత్తంగా ఆర్ఆర్ఆర్ కోసం రూ. 5 కోట్ల రెమ్యునరేషన్ తీసుకుంటుందన్న మాట.
మల్టీ స్టారర్, పాన్ ఇండియా మూవీ ‘ఆర్ఆర్ఆర్’ ఐదు భాషల్లో విడుదల కానుందని… అందుకే ఇంత భారీ మొత్తంలో పారితోషికం డిమాండ్ చేసిందని అంటున్నారు విశ్లేషకులు. ఒకవేళ ఇదే నిజమైతే చిత్రసీమలో ఇంత పెద్దమొత్తంలో రెమ్యునరేషన్ తీసుకున్న హీరోయిన్‌గా అలియా భట్ రికార్డ్ సృష్టిస్తుందంటున్నారు విశ్లేషకులు. రూ. 400 కోట్ల బడ్జెట్‌తో తెరకెక్కుతున్న ఆర్ఆర్ఆర్ చిత్రంలో అలియా భట్ పాత్ర హైలెట్‌గా నిలుస్తుండడం .. ఆమె పర్‌ఫార్మెన్స్ చిత్రానికి కీలకం కానుండడంతో నిర్మాత కూడా ఓకే చెప్పినట్లు సమాచారం.
Tags: RRR, Alia Bhatt, SS Rajamouli, Ram Charan Tej, NTR, DVV
