ఇసుక అక్రమ రవాణా.. 2 టిప్పర్ల పట్టివేత

దిశ, జడ్చర్ల : జడ్చర్ల మండల పరిధిలోని గొల్లపల్లి శివారులో అక్రమంగా ఇసుక తరలిస్తున్న టిప్పర్లను పోలీసులు పట్టుకున్నారు. జడ్చర్ల సీఐ వీరస్వామి ఆధ్వర్యంలో ప్రత్యేక బృందం జిల్లా టాస్క్‌ఫోర్స్ సాయంతో అక్రమ ఇసుక రవాణా చేస్తున్నా 2 టిప్పర్లను పట్టుకొని కేసు నమోదు చేసినట్టు తెలిపారు. అనంతరం టిప్పర్లను జడ్చర్ల పోలీస్ స్టేషన్‌కు తరలించినట్లు సీఐ పేర్కొన్నారు.

వాల్టా చట్టాన్ని అతిక్రమించి అక్రమ ఇసుక రవాణా చేస్తే చట్టపరంగా కఠిన చర్యలు చేపడతామని ఈ సందర్భంగా హెచ్చరించారు. ఎక్కడైనా ఇసుక అక్రమ రవాణా చేస్తున్నట్లు తెలిస్తే తమకు సమాచారం అందిస్తే దాడులు నిర్వహించి వారిపై చర్యలు చేపడతామని సీఐ అన్నారు.