సామ్ డిగ్రీ సర్టిఫికెట్ నెట్టింట్లో ప్రత్యక్షం
వైవిధ్యమైన పాత్రలను ఎంచుకుంటూ.. నటనలో తనకు తానే సవాల్ విసురుకునే నటి సమంత. అటు కెరీర్ పరంగా, ఇటు ఫ్యామిలీపరంగా మంచి పేరు తెచ్చుకున్న సామ్.. చదువులోనూ టాపర్ అన్న విషయం తెలిసిందే. ఇటీవలే ఫ్యాన్స్‌తో షేర్ చేసుకున్న తన పదో తరగతి ప్రోగ్రెస్ రిపోర్ట్‌తో ఆ విషయం బయటపడింది. అయితే.. రీసెంట్‌గా ఓ ఫ్యాన్ సమంతను ఆశ్చర్యానికి గురి చేశాడు. సామ్ డిగ్రీ సర్టిఫికెట్‌ను సోషల్ మీడియాలో పోస్ట్ చేసి షాకిచ్చాడు. అది చూసి ఆశ్చర్యానికి గురైన సమంత.. ‘ఇది మీరెలా సంపాదించారు?’ అని సదరు నెటిజన్‌ను ప్రశ్నించింది. అయితే సామ్ రిప్లై ఇచ్చిన కాసేపటికే.. ఆ వ్యక్తి తన ట్వీట్‌ను డిలీట్ చేయడం కొసమెరుపు. కానీ అప్ప‌టికే సామ్ డిగ్రీ సర్టిఫికెట్ నెట్టింట్లో వైరల్‌గా మారింది.
పదో తరగతి వరకు స్టీఫెన్స్ మెట్రిక్యులేషన్ స్కూల్‌లో చదువుకున్న సమంత.. హోలీ ఏంజెల్స్‌ ఆంగ్లో ఇండియన్‌ హయ్యర్‌ సెకండరీ స్కూల్‌లో పదకొండో తరగతి చదివారు. చెన్నైలోని స్టెల్లా మేరీస్‌లో 2007లో సామ్ డిగ్రీ పూర్తి చేశారు.
