పవర్ స్టార్ మూవీలో సాయి పల్లవి?

దిశ, వెబ్‌డెస్క్: పవర్ స్టార్ పవన్ కల్యాణ్ దాదాపు రెండేళ్ల విరామం తర్వాత ‘వకీల్‌సాబ్’ మూవీతో ఇండస్ట్రీకి రీ ఎంట్రీ ఇస్తున్న సంగతి తెలిసిందే. వేణు శ్రీరామ్ దర్శకత్వంలో వస్తున్న ఈ చిత్రం బాలీవుడ్ మూవీ ‘పింక్’ రీమేక్. ఈ చిత్రం తర్వాత పవన్ క్రిష్ దర్శకత్వంలో ఓ పాన్ ఇండియా మూవీ చేస్తున్నారు. సినిమా షూటింగ్ వచ్చే నెలలో ప్రారంభం కాబోతుంది.

ఈ మూవీలో నటించాలని సాయిపల్లవిని మూవీ యూనిట్ సంప్రదించిందట. జమీందార్ కూతురు పాత్రలో పల్లవి కనిపించబోతున్నట్లుగా ఇండస్ట్రీ వర్గాల ద్వారా సమాచారం అందుతోంది. ఈ పాత్రకు సాయిపల్లవి ఓకే చెప్పిందని వినికిడి. వచ్చే నెలలో షూటింగ్ మొదలు అయితే అప్పుడు హీరోయిన్స్ విషయంలో ఒక స్పష్టత వచ్చే అవకాశం ఉంది అంటున్నారు. పల్లవి ప్రస్తుతం టాలీవుడ్‌లో నాలుగు సినిమాల్లో నటిస్తున్నారు.