డిపోల ముందు ఆర్టీసీ కార్మికులు నిరసన ప్రదర్శన

దిశ, తెలంగాణ బ్యూరో : ఆర్టీసీ జేఏసీ పిలుపు మేరకు ఆర్టీసీ కార్మికులు నల్ల బ్యాడ్జీలతో డిపోల ఎదుట నిరసన తెలిపారు. అధికారుల వేధింపులు భరించలేక హైదరాబాద్​లోని రాణిగంజ్​–1 డిపో డ్రైవర్​ తిరుపతిరెడ్డి మంగళవారం ఆత్మహత్య చేసుకున్న విషయం తెలిసిందే. దీనిపై ఆర్టీసీ జేఏసీ రాష్ట్ర వ్యాప్తంగా నిరసనలకు పిలుపునిచ్చింది. ఉదయం ఆర్టీసీ కార్మికులు నల్ల బ్యాడ్జీలు ధరించి విధులకు హాజరయ్యారు. డిపోల ఎదుట మౌనం పాటించి నివాళులర్పించారు.