తన చెల్లితో అసభ్యంగా మాట్లాడొద్దన్నందుకు కత్తి పోట్లు

దిశ, క్రైమ్‌బ్యూరో: తన చెల్లితో అసభ్యంగా మాట్లాడొద్దని వారించిన యువకుడిపై కత్తితో దాడి చేశారు. చాంద్రాయణగుట్ట పోలీస్‌స్టేషన్ పరిధిలో జరిగిన ఘటనకు సంబంధించి ఇన్స్‌పెక్టర్ రుద్రభాస్కర్ తెలిపిన వివరాలు ఇలా ఉన్నాయి. ఘాజీ మిల్లత్‌కాలనీలో ఓ బాలికపట్ల ముస్తఫా అనే వ్యక్తి అసభ్యకరంగా మాట్లాడారు. ఈ విషయం తెలిసిన బాలిక సోదరుడు ముస్తఫాతో గొడవకు దిగడంతో విషయం తెలుసుకున్న ముస్తఫా సోదరుడు రౌడీషీటర్ అబ్దుల్లా ఆదివారం రాత్రి యువకుడిపై కత్తితో దాడి చేశాడు. తీవ్రగాయాలైన యువకుడు పోలీసులకు ఫిర్యాదు చేయగా కేసు నమోదు చేసుకొని దర్యాప్తు చేపట్టారు.