ట్విట్టర్‌లో రేవంత్ రెడ్డి ఏమన్నారంటే..?

దిశ, న్యూస్ బ్యూరో: షాహిద్ లాన్స్ నాయక్ ఫిరోజ్ ఖాన్ కుటుంబానికి రాష్ట్ర ప్రభుత్వం నుంచి సహాయం అందకపోవడంపై ట్విట్టర్ వేదికగా ఎంపీ రేవంత్ రెడ్డి మాట్లాడారు. ‘దేశం కోసం ప్రాణ త్యాగం చేసిన ధైర్యవంతులకు ఇది తీవ్ర అవమానం. షాహీద్ లాన్స్ నాయక్ ఫిరోజ్ ఖాన్ కుటుంబానికి వెంటనే రాష్ట్ర ప్రభుత్వం న్యాయం చేయాలి. 2013 బక్రీద్ పండుగ ముందురోజు పాకిస్తాన్ కాల్పుల్లో జమ్మూకాశ్మీర్ బాలకోట్ లో మరణించిన లాన్స్ నాయక్ ఫిరోజ్ ఖాన్. ఫిరోజ్ ఖాన్ కుటుంబానికి 200 గజాల స్థలం, 30 లక్షల రివార్డును రాష్ట్ర ప్రభుత్వం ప్రకటించింది. కానీ ఏడు సంవత్సరాలుగా కుటుంబానికి ఇస్తానన్న బెనిఫిట్స్ ఇవ్వడం లేదు. కల్నల్ సంతోష్ బాబు కుటుంబానికి సహాయం చేసినట్లుగానే రాష్ట్ర ప్రభుత్వం షాహిద్ ఫిరోజ్ ఖాన్ కుటుంబానికి న్యాయం చేయాలి’ అని రేవంత్ రెడ్డి పేర్కొన్నారు.