ఆ నగర పాలక సంస్థలో నియామకాలు.. ఎంతమంది కంటే..?

దిశ, కరీంనగర్ సిటీ : నగర పాలక సంస్థలో కారుణ్య నియామకాలను భర్తీచేసి ఉద్యోగ అవకాశాలు కల్పిస్తామని నగర మేయర్ సునీల్ రావు అన్నారు. గురువారం నగరపాలక సంస్థ మేయర్ చాంబర్‌లో కారుణ్య నియామకాల ద్వారా ముగ్గురికి ఉద్యోగం కల్పిస్తూ.. అపాయింట్మెంట్ ప్రొసీడింగ్స్‌ను అందజేశారు. ఈ నేపథ్యంలోనే జూనియర్ అసిస్టెంట్లుగా పద్మ, సంపత్ కుమార్, బిల్ కలెక్టర్‌గా సతీష్ కుమార్‌ను నియమిస్తూ జాయినింగ్ ఆర్డర్స్‌ అందజేశారు. ఈ సందర్భంగా మేయర్‌కు కృతజ్ఞతలు తెలిపారు. ఈ కార్యక్రమంలో సూపరింటెండెంట్ సునీల్ కుమార్, సీనియర్ అసిస్టెంట్ శ్రీనివాస్ పాల్గొన్నారు.