ఇక నుంచి రియల్‌మీ స్మార్ట్‌టీవీల హవా!
దిశ, వెబ్‌డెస్క్ : స్మార్ట్‌ఫోన్ తయారీలో దూసుకెళ్తున్న రియల్‌మీ సంస్థ త్వరలో స్మార్ట్‌టీవీ రంగంలోకి ప్రవేశించబోతోంది. 2020 సంవత్సరంలోనే కొత్త స్మార్ట్‌టీవీలను ఇండియాలో లాంచ్ చేయాలని భావిస్తోంది. దీనికి సంబంధించి రియల్‌మీ సీఈవో మాధవ్ సేథ్ మీడియాకు ఇచ్చిన ఇంటర్వ్యూలో ప్రకటించారు. రియల్‌మీ స్మార్ట్‌టీవీలు రెండో త్రైమాసికం నాటికి అందుబాటులో ఉంటాయని వెల్లడించారు. దీనికి అవసరమైన రెగ్యులేటరీ ఆమోదం ఏప్రిల్‌లో వచ్చే అవకాశముందన్నారు.
రియల్‌ సౌండ్‌, రియల్‌ డిజైన్‌ రియల్‌ క్వాలిటీ క్యాప్షన్‌తో రియల్‌మీ ఇప్పటికే తన స్మార్ట్‌టీవీల టీజర్‌ను విడుదల చేసింది. రిలయ్‌మీ టీవీలలో సౌండ్‌, పిక్చర్‌ క్వాలిటీలు ఊహించనంత అద్భుతంగా ఉంటాయని రియల్‌మీ విడుదల చేసిన టీజర్‌ల ద్వారా తెలుస్తోంది. ఈ టీవీలకు సంబంధించిన ఫోటోలను రియల్‌మీ సీఈవో ఫ్రాన్సిస్‌ వాంగ్‌ కూడా తన ట్విట్టర్‌ ఖాతాలో అందరితో షేర్‌ చేసుకున్నారు. త్వరలో ప్రారంభమయ్యే రియల్‌మీ స్మార్ట్‌టీవీల ఫీచర్స్ గురించి సంస్థ పూర్తీ వివరాలను ప్రకటించలేదు. మరి కొద్ది రోజుల్లో అన్ని వివరాలు బహిర్గతం చేసే అవకాశముంది.
Read also..
