ఆయుధ పూజ చేసిన రాజ్‌నాథ్ సింగ్..

దిశ, వెబ్‌డెస్క్: విజయదశమి పండుగను పురస్కరించుకుని కేంద్ర రక్షణ మంత్రి రాజ్‌నాథ్ సింగ్ ఇవాళ ఆయుధ పూజ నిర్వహించారు. వాస్తవాధీన రేఖకు సమీపంలో సిక్కింలోని షెరాథాంగ్ వద్ద సైనికులు, ఆర్మీ అధికారులతో కలిసి ఈ కార్యక్రమం చేపట్టారు.

ఈ సందర్భంగా రక్షణ మంత్రి సైనికులకు దసరా శుభాకాంక్షలు తెలిపారు. సరిహద్దుల్లో చైనాతో ఉన్న వివాదం తొలగిపోవాలని, భారత్ శాంతిని కోరుకుంటుందని చెప్పారు. ఆ తర్వాత యుద్ధ స్మారకం వద్ద అమరవీరులకు నివాళులర్పించారు.