తెలంగాణ కాంగ్రెస్ వ్యవహారాల పై అధిష్ఠానం ఫోకస్.. రాహుల్ గాంధీ వద్దకు మాణిక్యం ఠాగూర్

దిశ, వెబ్‌డెస్క్: తెలంగాణలో కాంగ్రెస్ లో నెలకొన్ని పరిస్థితులపై ఢిల్లీ అధిష్టానం ఫోకస్ పెట్టింది. రాహుల్ గాంధీని కలిసేందుకు మాణిక్యం ఠాగూర్.. రాజస్థాన్ లోని అల్వార్ కి వెళ్లారు. తెలంగాణ కాంగ్రెస్ లో నెలకొన్న అంతర్గత వ్యవహారాలు, విభేదాలు, సీనియర్ల అలక, తనపై చేసిన ఆరోపణలపై అధిష్టానం సమాలోచనలు చేయనుంది. మాణిక్యం ఠాగూర్ ఇప్పటికే.. మల్లికార్జున ఖర్గేతో భేటీ అయి పలు విషయాలను చర్చించినట్లు సమాచారం. ఈ విషయాన్ని సీరియస్ గా తీసుకున్న అధిష్టానం.. పార్లమెంట్ సమావేశాలు ముగియగానే ఏఐసీసీ సమావేశం నిర్వహించనున్నట్లు తెలుస్తుంది. ఈ సమావేశం తర్వాత అయిన కాంగ్రెస్ పార్టీ ఒక్కతాటిపైకి వస్తుందా లేదా అనేది వేచి చూడాల్సిందే.