దారుణ హత్య.. మంత్రాలే కారణామా?

దిశ, ఏటూరునాగారం: ములుగు జిల్లాలో దారుణం చోటుచేసుకుంది. ఇద్దరు వ్యక్తులకు ఓ యువకుడికి మధ్య గొడవ తలెత్తింది. అదికాస్త తారాస్థాయికి చేరడంతో వారిద్దరూ అతన్ని కిరాతకంగా హత్య చేశారు. మంత్రాలు చేస్తున్నాడనే అనుమానంతో చంపినట్లు తెలుస్తోంది. ఈ ఘటన ములుగు జిల్లా ఎస్.ఎస్ తాడ్వాయి మండలంలో సోమవారం రాత్రి చోటుచేసుకుంది.

వివరాల్లోకివెళితే.. చత్తీస్‌గఢ్‌కు చెందిన కుర్సం అర్జున్ (26) తాడ్వాయి జలగలంచ గొత్తికోయగూడెనికి చుట్టపు చూపు కోసం వచ్చాడు.‌ఈ క్రమంలోనే అర్జున్ గొత్తికోయ గుంపునకు చెందిన బద్రీ, మంగయ్యలతో గొడవపడ్డాడు. దీంతో అర్జున్ చేతబడి చేస్తున్నాడనే అనుమానంతో వారిద్దరూ గొడ్డలితో మోది, కత్తితో గొంతు కోసి దారుణంగా హత్యచేశారు. ఈ విషయం బయటికు తెలియకుండా ఉండేందుకు ఫారెస్ట్ ఇంకుడు గుంతల్లో శవాన్ని పూడ్చిపెట్టారు. సమాచారం అందుకున్న తాడ్వాయి ఎస్సై జి.రవీందర్ సిబ్బందితో వెళ్లి శవాన్ని బయటికి తీసి పోస్టుమార్టం నిమిత్తం మార్చురీకి తరలించారు. ఈ మేరకు కేసునమోదు చేసుకుని నిందితులను కోసం గాలిస్తున్నట్లు ఎస్సై తెలిపారు.