ఇర్ఫాన్ మరణవార్త కలచి వేసింది : ప‌వ‌న్ క‌ల్యాణ్‌
ప్రముఖ బాలీవుడ్ నటుడు ఇర్ఫాన్ ఖాన్ బుధవారం మృతిచెందిన విషయం తెలిసిందే. ఆయన మరణవార్త విన్న బాలీవుడ్, టాలీవుడ్, కోలీవుడ్ చిత్ర పరిశ్రమలన్నీ తీవ్ర దిగ్భ్రాంతి వ్య‌క్తం చేశాయి. తెలుగు చిత్ర పరిశ్రమలోని అగ్ర నటులు అందరూ ఇర్ఫాన్ ఖాన్ మృతి పట్ల సంతాపాన్ని వ్య‌క్తం చేస్తున్నారు. పవర్‌ స్టార్, జ‌న‌సేన పార్టీ అధ్యక్షులు ప‌వ‌న్‌క‌ల్యాణ్ ఇర్ఫాన్ ఖాన్ మృతి పట్ల త‌న సంతాపాన్ని వ్య‌క్తం చేశారు. ‘ఇర్ఫాన్ ఖాన్ మరణం నన్నెంతో కలచివేసింది. ఆయన స్క్రీన్ ప్రెజన్స్‌ను నేనెంతో ఎంజాయ్ చేసేవాడిని. ప‌రిపూర్ణ‌మైన నటుడు. మంచి మ‌నిషి. ఆయన కుటుంబ స‌భ్యుల‌కు నా ప్ర‌గాఢ సానుభూతిని వ్య‌క్తం చేస్తున్నాను. ఆయన ఆత్మ‌కు శాంతి క‌ల‌గాల‌ని భ‌గ‌వంతుణ్ణి వేడుకుంటున్నాను’అంటూ ప‌వ‌న్‌క‌ల్యాణ్ ట్వీట్ చేశారు.
Tags: Pawan Kalyan, condolences, Irrfan Khan, twitter, bollywood, tollywood
