Nidhhi Agerwal: ముందు సినిమాలపై ఫోకస్ పెట్టండి.. రిలీజ్‌పై కాదు
దిశ, సినిమా: బ్యూటిఫుల్ నిధి అగర్వాల్ బర్త్ డేను ఘనంగా సెలబ్రేట్ చేసుకుంటున్నారు ఫ్యాన్స్. ముఖ్యంగా కోలీవుడ్‌లో ఈ భామకు ఫ్యాన్ ఫాలోయింగ్ ఎక్కువ.. దీంతో ఆమె విగ్రహానికి, ఫొటోలకు పాలాభిషేకం చేస్తున్నారు. ఈ క్రమంలో ఓ ఇంటర్వ్యూలో మాట్లాడుతూ అభిమానులకు కృతజ్ఞతలు తెలిపింది నిధి. ఇక సినిమాల గురించి ప్రస్తావిస్తూ.. సినిమా ఏ భాషలో రిలీజైన ప్రేక్షకులు ఆదరిస్తారనే నమ్మకం ఉందని, ఓటీటీ లేదా థియేటర్‌? అని ఆలోచించకుండా సినిమాను రూపొందించడంపై ఫిల్మ్ మేకర్స్ ఫోకస్ చేస్తే సరిపోతుందని తెలిపింది. సినిమాను ఎక్కువ ప్రేమిస్తానని అది ఏ భాషలో రిలీజైనా చూస్తానని చెప్పింది. కానీ థియాట్రికల్ ఫిల్మ్ ఓ సెలబ్రేషన్‌లా ఉంటుందన్న భామ.. పవన్ కళ్యాణ్ ‘వకీల్ సాబ్’ గురించి ప్రస్తావించింది. ఈ చిత్రం థియేటర్స్‌లో విడుదలై భారీ కలెక్షన్స్ సాధించిందని, ఆ తర్వాత ఓటీటీలో రిలీజ్ అయ్యాక కూడా ప్రేక్షకులు అంతే గొప్పగా ఆదరించారని గుర్తుచేసింది.
