Navodaya Admit cards: నవోదయ ఎంట్రెన్స్ టెస్ట్ అడ్మిట్ కార్డులు రిలీజ్.. డౌన్‌లోడ్ లింక్ ఇదే..!
దిశ, వెబ్‌డెస్క్: దేశవ్యాప్తంగా ఉన్న 653 జవహర్ నవోదయ విద్యాలయాల్లోని(Jawahar Navodaya Vidyalaym) ఆరో తరగతిలో ప్రవేశాలకు నిర్వహించే జవహర్ నవోదయ ఎంపిక పరీక్ష-2025 నోటిఫికేషన్ ప్రక్రియ ఇటీవల ముగిసిన విషయం తెలిసిందే. వచ్చే ఏడాది జనవరి 18న ప్రవేశ పరీక్షను(Entrance Test) నిర్వహించనున్నారు. ఇదిలా ఉంటే ఈ పరీక్షకు సంబధించి అడ్మిట్ కార్డుల(Admit cards)ను నవోదయ విద్యాలయ సమితి తాజాగా విడుదల చేసింది. అప్లై చేసుకున్న విద్యార్థులు అధికారిక వెబ్‌సైట్ https://cbseitms.rcil.gov.in/nvs/ లో తమ రిజిస్ట్రేషన్ నంబర్(Registration No), డేట్ ఆఫ్ బర్త్(Date of Birth) వివరాలను ఎంటర్ చేసి అడ్మిట్ కార్డులను డౌన్‌లోడ్ చేసుకోవచ్చు. కాగా వచ్చే ఏడాది మార్చిలో నవోదయ ఎంట్రెన్స్ ఎగ్జామ్ తుది ఫలితాలను వెల్లడించనున్నారు. ఈ ప్రవేశ పరీక్ష ద్వారా ఎంపికైన విద్యార్థులకు ఆరో తరగతి నుంచి 12వ తరగతి వరకు ఫ్రీ ఎడ్యుకేషన్(Free Education)తో పాటు, బాల బాలికలకు వేర్వేరు హాస్టల్(Hostel Accommodation), ఫుడ్(Food) సౌకర్యాలు కల్పిస్తారు. ఆంధ్రప్రదేశ్(AP)లో 15, తెలంగాణా(TG)లో 9 నవోదయ విద్యాలయాలు ఉన్నాయి.
