Shraddha Walkar కేసులో కీలక సాక్ష్యం లభ్యం.. అది వింటే షాకే..!

దిశ, వెబ్ డెస్క్: దేశ రాజధాని ఢిల్లీలో జరిగిన శ్రద్ధ వాకర్ హత్య కేసులో రోజుకో సంచలన విషయం వెలుగులోకి వస్తుంది. పెళ్లి చేసుకోమని కోరినందుకు ప్రియురాలు శ్రద్ధా వాకర్ ను 35 ముక్కలుగా నరికిన అఫ్తాబ్ పూనావాలా ఆ తరువాత ఆ ముక్కల్ని ఫ్రిడ్జ్ లో ఉంచడం, ఆ సమయంలోనే వేరే అమ్మాయిని రూమ్ కు తీసుకొచ్చుకోవడం, ఆ తరువాత శ్రద్ధ శరీర భాగాల్ని వివిధ ప్రాంతాల్లో వేయడం ఇలా రోజుకో విషయం బయటకు వచ్చింది. అనంతరం నిందితుడిని పాలిగ్రాఫ్ టెస్ట్ చేసిన అధికారులకు విస్తుపోయే నిజాలు బయటకి వచ్చాయి. తాజాగా ఈ కేసుకు సంబంధించిన ఓ కీలక ఆధారాన్ని ఢిల్లీ పోలీసులు స్వాధీనం చేసుకున్నట్లు తెలుస్తోంది.

శ్రద్ధా వాకర్ ను హత్య చేయడానికి కొన్ని గంటల ముందు ఆమె ప్రియుడు అఫ్తాబ్ శ్రద్ధాతో మాట్లాడిన ఆడియో టేపు పోలీసులకు చిక్కినట్లు సమాచారం. అందులో నిందితుడు శ్రద్ధాతో మాట్లాడిన తీరును చూసి పోలీసులు షాక్ అయినట్లు తెలిసింది. తనను ఇంకోసారి పెళ్లి చేసుకోవాలని వేధిస్తే చంపేస్తా అంటూ అఫ్తాబ్ శ్రద్ధను హెచ్చరించినట్లు ఆ ఆడియో టేపులో ఉందని సమాచారం అందుతోంది. శ్రద్ధా కేసులో ఈ ఆడియో టేప్ కీలకం కానుందని, ఆడియోను స్వాధీనం చేసుకుని ఆఫ్తాబ్ వాయిస్ ను సీబీఐ అధికారులు పరిశీలించే అవకాశం ఉందని తెలిసింది.

Also Read...

ఇండియాలో కూడా కోవిడ్ ఆంక్షలు షురూ.. ఎక్కడంటే?