భారీగా పెరిగిన కరోనా పాజిటివ్ కేసులు.. ఫోర్త్ వేవ్ తప్పదా?

దిశ, వెబ్‌డెస్క్: దేశంలో కరోనా మహమ్మారి చాపకింద నీరులాగా మళ్లీ విస్తరిస్తోంది. రోజురోజుకూ పాజిటివ్ కేసుల సంఖ్య గణనీయంగా పెరుగుతోంది. దీంతో ఫోర్త్ వేవ్ తప్పదని హెల్త్ నిపుణులు హెచ్చరికలు జారీ చేస్తున్నారు. తాజాగా.. ఆరోగ్య మంత్రిత్వ శాఖ విడుదల చేసిన డేటా ప్రకారం, భారతదేశంలో 24 గంటల్లో 7,584 కొత్త పాజిటివ్ కేసులు నమోదయ్యాయి. వరుసగా రెండో రోజూ 7000 లకు పైగా కేసులు నమోదయ్యాయి. ప్రస్తుతం దేశంలో 36,267 కరోనా యాక్టీవ్ కేసులు ఉన్నాయి. ఇలానే కేసులు పెరుగుతూ పోతే మళ్ళీ రానున్న రోజుల్లో కరోనా విలయ తాండవం చేయడం ఖాయంగా కనిపిస్తుంది. ఇప్పటి వరకు కరోనాతో మొత్తం 5,24,747 మరణాలు సంభవించాయి.