షాకింగ్: 'జబర్దస్త్' జడ్జిగా బాలకృష్ణ.. రోజాతో ఆడియో కాల్ వైరల్
దిశ, వెబ్‌డెస్క్: నందమూరి నట సింహం బాలకృష్ణ.. తన పంథాను మార్చనున్నారా..? అంటే అవుననే అంటున్నాయి టాలీవుడ్ వర్గాలు. ప్రస్తుతం బాలయ్య సినిమాలతో పాటు ఓటీటీ మీద కన్నేసిన విషయం తెల్సిందే. ఆహా ఓటీటీ తో కలిసి ‘అన్‌స్టాపబుల్‌ విత్ ఎన్ బీకే’ అనే కార్య‌క్ర‌మం మొదలుపెట్టిన బాలయ్య బుల్లితెరమీద కూడా మెరవడానికి సిద్ధమయ్యారు. జ‌బ‌ర్ధ‌స్త్ షోకి జడ్జిగా వస్తున్నట్లు ఆయన చెప్పడం ప్రస్తుతం సంచలనంగా మారింది.
జబర్దస్త్ వేదికపై రోజా, బాలకృష్ణకు ఫోన్ చేసి పలకరించారు. మాటల మధ్యలో రోజా.. మన ఇద్దరి కాంబినేషన్ మళ్లీ ఎప్పుడు అని ప్రేక్షకులు అడుగుతున్నారు.. భైరవ ద్వీపం పార్ట్ 2 నా , బొబ్బిలి సింహం పార్ట్ 2 చేస్తారా అని అడుగుతున్నారని తెలిపారు. దీనికి నవ్వుతూ స్పందించిన బాలయ్య.. తప్పకుండా చేద్దాం అందరూ ఎదురుచూస్తున్నారు.. మన కాంబినేషన్ కోసం.. కలిసి సినిమా చేయడమే కాదు.. జబర్దస్త్ షోకి జడ్జిగా కూడా వస్తాను.. మీ అందర్నీ కలుస్తాను అని చెప్పడంతో జబర్దస్త్ వేదిక దద్దరిల్లింది. ప్రస్తుతం రోజా, బాలయ్య ఫోన్ సంభాషణ నెట్టింట వైరల్ గా మారింది. ఇకపోతే బాలయ్య ప్రస్తుతం ‘అఖండ’ షూటింగ్ లో ఉన్నారు. మరి బాలయ్య చెప్పింది నిజమైతే బుల్లితెరపై నట సింహం నవ్వుకు ఫ్యాన్స్ ఫిదా కావడం ఖాయమేనని అంటున్నారు.
మెగా ఫ్యామిలీకి అందని ‘మా ’ ఆహ్వానం.. మరో వివాదాన్ని సృష్టించనుందా ?
- Tags
- Jabardast
