Sharwanand: ఎట్టకేలకు కూతురి ఫేస్ రివీల్ చేసిన టాలీవుడ్ హీరో.. వైరల్ అవుతున్న క్యూట్ పిక్
దిశ, సినిమా: టాలీవుడ్ యంగ్ హీరో శర్వానంద్ ఇటీవల ‘మనమే’ సినిమాతో ప్రేక్షకుల ముందుకు వచ్చిన విషయం తెలిసిందే. ఈ మూవీ హిట్ సాధించలేకపోయింది. ఇక శర్వానంద్ పర్సనల్ లైఫ్ విషయానికొస్తే.. బ్యాచ్‌లర్ లైఫ్‌కి గుడ్ బై చెప్పి గత ఏడాది జూన్ 3న రక్షితా రెడ్డిని పెళ్లి చేసుకున్న సంగతి తెలిసిందే. ఇక వీరిద్దరూ ఈ ఏడాది మార్చిలో తల్లిదండ్రులయ్యారు. శర్వా-రక్షితా కపుల్‌కు ఓ పాప పుట్టగా.. ఆమెకు లీలా దేవి మైనేని అనే నామకరణం చేశారు. ఈ విషయాన్ని సోషల్ మీడియా వేదికగా ప్రకటించాడు.
కానీ ఆ పాప ఫేస్‌ను మాత్రం రివీల్ చేయలేదు. తాజాగా, శర్వానంద్ ఇన్‌స్టాగ్రామ్ వేదికగా కూతురు పుట్టిన 6 నెలల తర్వాత ఆమె ఫేస్ రివీల్ చేశాడు. భార్య కూతురితో వెకేషన్ వెళ్లిన శర్వా ట్రిప్‌కు సంబంధించిన ఫొటోలు నెట్టింట షేర్ చేశాడు. అందులో రక్షితా రెడ్డి ఒడిలో కూర్చుని ఉన్న లీలా దేవి తండ్రి వైపు చూస్తూ చిరునవ్వులు చిందిస్తూ కనిపించింది. బబ్లీ లుక్‌తో ఉన్న ఆ పాప అచ్చం శర్వా పోలికలతో ఉంది. ప్రజెంట్ లీలా దేవి ఫొటో సోషల్ మీడియాలో వైరల్ అవుతుండగా.. అది చూసిన వారంతా క్యూట్ అని కామెంట్లు చేస్తున్నారు.
