Ram Charan: కల్కి నిర్మాతలకు ఊహించని సర్‌ప్రైజ్ ఇచ్చిన గ్లోబల్ స్టార్.. వావ్ సూపర్ అంటున్న నెటిజన్లు (పోస్ట్)
దిశ, సినిమా: పాన్ ఇండియా స్టార్ ప్రభాస్, దీపికా పదుకొణె కలిసి నటించిన భారీ ప్రాజెక్ట్ ‘కల్కి’. ఈ చిత్రానికి నాగ్ అశ్విన్ దర్శకత్వం వహించగా.. వైజయంతీ మూవీస్ బ్యానర్‌పై అశ్వినీదత్, స్వప్త దత్ నిర్మించారు. అయితే ఎపిక్ సైన్స్ ఫిక్షన్ యాక్షన్‌గా వచ్చిన ఈ సినిమాలో దిశా పటానీ, బ్రహ్మానందం. విజయ్ దేవరకొండ, మృణాల్ ఠాకూర్, దుల్కర్ సల్మాన్, శోభన వంటి నటీనటులు నటించి మెప్పించారు. అయితే ఈ సినిమా జూన్ 27న థియేటర్స్‌లో విడుదలై బ్లాక్ బస్టర్ హిట్ అందుకుంది.
అలాగే భారీ కలెక్షన్లు కూడా రాబట్టి బాక్సాఫీసును షేక్ చేసింది. ప్రజెంట్ ఓటీటీలో కల్కి సినిమా ప్రేక్షకులను అలరిస్తోంది. ఈ క్రమంలో.. తాజాగా, కల్కి సినిమా చూసిన గ్లోబల్ స్టార్ రామ్ చరణ్ నిర్మాతలపై ప్రశంసలు కురిపించాడు. అంతటితో ఊరుకోకుండా కొన్ని బోకేస్ పంపించి నిర్మాతలను సర్‌ప్రైజ్ చేశాడు. అలాగే ఓ స్వీట్ నోట్‌ను కూడా పంపించాడు. అయితే ఈ విషయాన్ని స్వప్న దత్ ఇన్‌స్టా వేదికగా షేర్ చేస్తూ థాంక్స్ చెప్పింది. దీంతో ఈ విషయం తెలిసిన మెగా అభిమానులు వావ్ సూపర్ సర్‌ప్రైజ్ అని అంటున్నారు.
