Ram Charan: ‘గేమ్‌చేంజర్’ సెకండ్ సింగిల్‌పై హింట్ ఇచ్చిన తమన్.. ఆసక్తికర పోస్ట్ వైరల్
దిశ, సినిమా: టాలీవుడ్ గ్లోబల్ స్టార్ రామ్ చరణ్ బ్యాక్ టు బ్యాక్ సినిమాలతో ఫుల్ బిజీ బిజీగా గడుపుతున్నాడు. అయితే రామ్ చరణ్, శంకర్ డైరెక్షన్‌లో గేమ్‌ చేంజర్ మూవీ చేస్తున్న సంగతి తెలిసిందే. ఇందులో హీరోయిన్‌గా కియారా అద్వానీ నటిస్తుండగా.. అంజలి కీలక పాత్రలో కనిపించనుంది. అయితే ఈ సినిమాకు ఎస్ తమన్ మ్యూజిక్ అందిస్తుండగా.. శ్రీ వెంకటేశ్వర క్రియేషన్స్ బ్యానర్‌పై దిల్ రాజ్ తెరకెక్కిస్తున్నాడు. ఇందులో ఎస్‌జే సూర్య, నవీన్ చంద్ర, సునీల్, శ్రీకాంత్, హ్యారీ జోష్, సముద్రఖని, జయరామ్ నటిస్తున్నారు.
గేమ్‌చేంజర్‌కు సంబంధించిన షూటింగ్ మొదలై మూడేళ్లు పూర్తి కావొస్తున్నప్పటికీ విడుదలకు నోచుకోలేదు. ఇటీవల ఈ చిత్రాన్ని డిసెంబర్ 20న ప్రేక్షకుల ముందుకు తీసుకురాబోతున్నట్లు మేకర్స్ అధికారిక ప్రకటనను విడుదల చేశారు. తాజాగా, తమన్ గేమ్‌చేంజర్ సెకండ్ సింగిల్‌పై హింట్ ఇచ్చాడు. స్టైలిష్ లుక్‌లో ఉన్న ఫొటో షేర్ చేస్తూ గేమ్‌చేంజర్ హ్యాష్ ట్యాగ్‌ను జత చేశాడు. ఇక ఈ పోస్ట్‌తో గేమ్‌చేంజర్ పాట సూపర్ స్టైలిష్‌గా ఉండబోతుందని త్వరలోనే సందడి చేయబోతున్నట్లు చెప్పాడని అంతా చర్చించుకుంటున్నారు.
