హిట్ అండ్ రన్ కేసు బాధిత కుటుంబానికి Shahrukh Khan ఆర్థిక సహాయం

దిశ, సినిమా : షారుఖ్ ఖాన్ 'పఠాన్' సినిమా ఓ వర్గం నుంచి దారణమైన విమర్శలు ఎదుర్కొంటున్న సంగతి తెలిసిందే. ఈ చిత్రానికి సంబంధించిన 'బేషరమ్ రంగ్' సాంగ్ రిలీజ్ అయినప్పటి నుంచి రోజుకో కామెంట్ ఎదుర్కొంటూ షారుఖ్ వార్తల్లో నిలుస్తూనే ఉన్నాడు. కానీ ఈ సారి మాత్రం హ్యుమానిటీతో కూడిన ది బెస్ట్ రీజన్‌తో హెడ్ లైన్స్ టచ్ చేశాడు బాద్‌షా. తాజాగా ఢిల్లీలో జరిగిన హిట్ అండ్ రన్ కేసులో ప్రాణాలు కోల్పోయిన అంజలీ సింగ్‌ కుటుంబానికి అండగా నిలవడమే ఇందుకు కారణం. ఈ ఘటనలో ప్రాణాలు కోల్పోయిన అంజలి జీతంతోనే బాధిత కుటుంబం జీవించేంది. కానీ ఆమె పోవడంతో దిక్కులేని స్థితిలో ఉన్న ఫ్యామిలీ రెస్పాన్సిబిలిటీని షారుఖ్ 'మీర్ ఫౌండేషన్' తీసుకుంది. సదరు కుటుంబానికి ఆర్థిక సహాయం అందించడమే కాదు తల్లి వైద్యానికి స్పెషల్ కేర్ తీసుకుంటోంది.