షారుఖ్ "డంకీ" రివ్యూ.. కింగ్ ఖాన్ హ్యాట్రిక్ కొట్టినట్లేనా?
దిశ, వెబ్ డెస్క్: ఎన్నో అంచనాల మధ్య బాలీవుడ్ కింగ్ ఖాన్ షారుఖ్ నటించిన "డంకీ" సినిమా ఇవాళ ప్రపంచ వ్యాప్తంగా విడుదల అయ్యింది. ఇందులో మరో బాలీవుడ్ హీరో విక్కీ కౌశల్ ప్రధాన పాత్రలో నటించారు. హీరోయిన్ గా తాప్సీ నటించింది. అయితే.. ఈ చిత్రానికి ప్రపంచవ్యాప్తంగా పాజిటివ్ రెస్పాన్స్ వస్తోంది. షారుఖ్ ఖాన్ ఖాతాలో మరో బ్లాక్ బస్టర్ నమోదు అయ్యిందని సినిమా చూసిన అభిమానులు సోషల్ మీడియా వేదికగా తమ అభిప్రాయాన్ని చెబుతున్నారు. ముఖ్యంగా డైరెక్టర్ రాజ్ కుమార్ హిరానీ సినిమాల్లో ఇది బెస్ట్ సినిమా అని అంటున్నారు. అంతేకాదు.. ఈ సినిమాలో షారుఖ్ ఖాన్ ఆస్కార్ లెవెల్ పెర్ఫార్మన్స్ ఇచ్చారని హర్షం వ్యక్తం చేస్తున్నారు.
ఒక్క మాటలో చెప్పాలంటే ఈ సినిమాను "మాస్టర్ పీస్" గా రివ్యూ ఇస్తున్నారు. దీంతో ఇది కూడా ప్రపంచ వ్యాప్తంగా రూ.1000 కోట్లకు పైగా కలెక్ట్ చేస్తుందని నమ్మకంగా ఉన్నారు. అయితే, కింగ్ ఖాన్ షారుఖ్ ఖాతాలో ఈ ఏడాది ఇది మూడో హిట్ తో హ్యాట్రిక్ కావడం గమనార్హం. "డంకీ" వెయ్యి కోట్లు సాధిస్తే వంద కాదు రెండొందలు ఏకంగా ఈ ఒక్క ఏడాదిలోనే మూడు వేల కోట్లు సాధించిన హీరోగా చరిత్ర సృష్టించనున్నారు. మరి ఈ సినిమా ఏ రేంజ్ లో కలెక్ట్ చేస్తుందో చూడాలి.
