బాలయ్యను అలా చూస్తే ముద్దు పెట్టాలనిపించింది.. నవీన్ చంద్ర
దిశ, సినిమా : టాలీవుడ్ డైనమిక్ హీరో నందమూరి బాలకృష్ణ గురించి ప్రత్యేకంగా చెప్పాల్సిన పనిలేదు. ఆయన సినిమాలంటే పడి చచ్చిపోయే ప్రేక్షకాభిమానులు ఉంటారంటే అతిశయోక్తి కాదు. అయితే బాలయ్య బాబు తెరపై కనిపించినంత కూల్‌గా వ్యక్తిగత జీవితంలో ఉండరని.. అందరితోనూ చాలా హార్డ్‌గా బిహేవ్ చేస్తారనే పేరుంది. పైగా గతంలో ఫ్యాన్స్‌పై చేయిచేసుకున్న వీడియోలు సోషల్ మీడియాలో హల్ చల్ చేసిన సంగతి తెలిసిందే. ఈ క్రమంలోనే బాలయ్యపై నటుడు నవీన్ చంద్ర ఆసక్తికర వ్యాఖ్యలు చేశారు.
గోపిచంద్ మలినేని - బాలకృష్ణ కాంబినేషన్‌లో తెరకెక్కుతున్న ప్రాజెక్ట్‌లో నవీన్ చంద్ర కీలక పాత్ర పోషిస్తున్నాడు. ఈ మేరకు బాలయ్య బాబుతో కలిసి పనిచేయడంపై ఇంట్రెస్టింగ్ విషయాలు వెల్లడించాడు. ఆయన స్టైల్, డైలాగ్స్ తెగ నచ్చేశాయని.. ముద్దు కూడా పెట్టాలనిపించిందని చెప్పాడు. ఎన్బీకే గురించి బయట చాలా నెగెటివ్‌గా మాట్లాడతారు గానీ అవేం నిజం కాదని తెలిపారు. ఇక ఈ సినిమాలో తన రోల్ గురించి మాట్లాడుతూ..'ఈ సినిమాలో నా రోల్ ఏంటన్నది చెప్పలేను కానీ కెరీర్‌లో ఖచ్చితంగా గుర్తుండిపోతుంది' అని చెప్పుకొచ్చాడు నవీన్.
