బాణం గురిపెట్టిన రష్మిక.. వెనుక ఉన్న చెయ్యి ఎవరిదో కనిపెట్టిన నెటిజన్లు..!
దిశ, సినిమా: ఈ మధ్య కాలంలో సోషల్ మీడియాలో ఎక్కడ చూసినా.. విన్నా.. రష్మిక, విజయ్ పేర్లే వినిపిస్తున్నాయి. ‘గీతా గోవిందం’ సినిమాతో వీరిద్దరూ ప్రేమలో పడినట్లు నెట్టింట టాక్ నడుస్తూనే ఉంది. అంతే కాకుండా వీరిద్దరూ నిజంగా రిలేషన్‌లో ఉన్నట్లు ఇండస్ట్రీలో సైతం వార్తలు వస్తున్నాయి. వీరి చేసే పనులు బట్టి కూడా వీళ్లు కావాలనే ఇండైరెక్ట్‌గా హింట్ ఇస్తున్నారు అని కూడా చాలా మందికి అర్థం అవుతుంది. ఎందుకంటే.. ఇద్దరు ఒకే ప్లేస్‌లో ఉండటం.. వేరు వేరుగా ఫొటోలు పెట్టడం లాంటివి చేస్తూ దొరికిపోతా ఉంటారు.
ఈ క్రమంలోనే రీసెంట్‌గా కూడా ఇద్దరు ఒకే దగ్గర ఉన్నట్లు నెటిజన్లుకు అర్థం అయ్యేలాగా చేశారు. రష్మిక బ్యూటీఫుల్ అంటూ ఓ నెమలి పిక్‌ను షేర్ చెయ్యగా.. విజయ్ తన సినిమాకు సంబంధించిన వీడియో షేర్ చేశాడు. అందులో కూడా సేమ్ నెమలి ఉండటంతో మరోసారి దొరికిపోయారు అంటూ నెట్టింట రచ్చ స్టార్ట్ చేశారు. ఇదిలా ఉంటే.. తాజాగా రష్మిక బీచ్‌లో ఎంజాయ్ చేస్తున్న ఓ చిన్న వీడియో క్లిప్‌ను షేర్ చేసింది. ఈ పోస్ట్ కూడా ప్రస్తుతం హాట్ టాపిక్‌గా మారింది.
ఆ వీడియోలో రష్మిక.. బీచ్ సమీపంలో విల్లు ప్రాక్టీస్ చేసింది. గురి చూసి కరెక్ట్‌గా బాణం వేసింది. కరెక్ట్‌గా పాయింట్ మీద ఆ బాణం తగలడంతో రష్మిక షాక్ అవుతూ వెనక్కి తిరిగి చూసింది. ఇంతలో ఓ చేయి కనిపించింది. ప్రస్తుతం దీనికి సంబంధించిన క్లిప్ నెట్టింట వైరల్ కావడంతో.. ఆ చెయ్యి ఎవరో మేము కనిపెట్టేశాములే. విజయ్ అన్నదే కదా అంటూ నెట్టింట కామెంట్లు పెడుతున్నారు.
