దిల్ రాజు కుట్ర చేసి అఖిల్‌ని తొక్కేశాడు.. నిర్మాత నట్టి కుమార్ వైరల్ కామెంట్
దిశ, సినిమా: అఖిల్ అక్కినేని హీరోగా, సురేందర్ రెడ్డి దర్శకత్వంలో తెరకెక్కిన తాజా చిత్రం ‘ఏజెంట్’. కోట్ల రూపాయల బడ్జెట్‌తో నిర్మించిన ఈ సినిమా భారీ అంచనాల నడుమ విడుదలై, ఊహించని విధంగా నెగెటివ్ టాక్‌ని సొంతం చేసుకుంది. మూవీ కోసం ఎంతో కష్టపడిన అఖిల్ తప్పకుండా సాలిడ్ హిట్ కొడతాడని అందరూ భావించారు. కానీ అనుకోని విధంగా షాకింగ్ టాక్ వచ్చింది. తాజాగా ఈ సినిమా నిర్మాత నట్టి కుమార్ స్పందిస్తూ అఖిల్ అక్కినేనిని కావాలనే తొక్కి పడేశారంటూ సంచలన వ్యాఖ్యలు చేశారు. ‘‘అఖిల్ సినిమాకి కావాలనే థియేటర్లు దొరక్కుండా చేశారు. దీనివెనుక చాలా రాజకీయాలు, ఎత్తుగడలు ఉన్నాయి. ఈ కుట్రలో బడా నిర్మాతలైన దిల్ రాజు, శిరీష్‌ల హస్తం ఉంది. ఇలాంటి ఎత్తుగడలు దాటుకుని రావడమంటే అఖిల్‌కు నిజంగా పెద్ద టాస్క్. అక్కినేని హీరోను తొక్కడానికే దిల్ రాజు ‘పొన్నియిన్ సెల్వన్-2’ సినిమా‌తో వచ్చాడు. అది గొప్ప దర్శకుడి చిత్రం కావచ్చు కానీ.. మా తెలుగు సినిమాలే మాకు గొప్ప’’ అంటూ చెప్పుకొచ్చాడు నట్టి కుమార్ .
Also Read..
అఖిల్‌ను కావాలనే ఇండస్ట్రీలో తొక్కేస్తున్నారు.. నిర్మాత సంచలన వ్యాఖ్యలు
